web counter
LEXO PA REKLAMA!

SHKARKO APP

App Store
Google Play

Çështja e Teatrit Kombëtar/ Përçahen artistët

14 Qershor 2018, 11:00, Aktualitet CNA

Kreu i bashkisë së Tiranës, Erion Veliaj bashkë me ministren e Kulturës, Mirela Kumbaro, kanë zhvilluar një takim me artistët për çështjen e Teatrit Kombëtar, nëse godina duhet të prishet dhe të ndërtohet godinë e re apo të restaurohet ajo ekzistuese.

Gjatë këtij takimi ka pasur edhe përçarje mes aktorëve në lidhje me këtë çështje.

Gjatë fjalës së tij, aktori Luftar Paja tha se ai është për ndërtimin e një Teatri të Ri Kombëtar dhe se artistët nuk duhet të merren me llacin e tullat.

Ndërkohë Mirela Jorgo ka reaguar pas fjalës së tij, ndërsa është shprehur ?Të lutem sepse jemi dhe miq, të kam shok të babit tim. Nuk mund të themi tani se duhet të prishet Teatri kur kemi kaq kohë që luftojmë. Po na gllabërojnë metrot, Luftar?.

Nga ana tjetër, aktori Paja sërish ka këmbëngulur në idenë e një teatri të ri.

?O motre të fala babait tënd e shokut tim, por unë unë nuk merrem me gllabërimin e metrove. Qëllimi im është të ketë teatër ashtu siç duhet të ketë Shqipëria dhe me kushtet që i meritojnë artistët.?

Por, në debat është përfshirë edhe Reshat Arbana, i cili tha ?Lërjani teatrin Tiranës, territorit të saj. Teatri duhet të mbetet aty. Të rikonstruktohet, të bëhet një teatër i mirë. Të ushqejnë me emocione popullin që duhet thënë se kanë vërtetë nevojë. Mendojeni më hollë këtë punë. Merrni grupet e interesit, arkitektët dhe nuk do dilni gjëkundi me këto dëgjesa.?

Ndërsa aktori i njohur Laert Vasili zgjodhi të flasë me ironi dhe fjalë therëse. Ai tha se artistët duhen lënë në atë sallë ku janë që të vdesin nga turbekulozi.

?Më lër të flas për Teatrin e Ri, ka që 5 vjet më mban shpirtin. Dëgjova shumë gjëra, shqiptarët kanë nevojë për rilindje shpirtërore, e cila nuk mund të krijohet nën tallashet e Musolinit. Nëse dikush nuk sheh dot të ardhmen e Teatrit në një strukturë futuriste atëherë të shohë esktetikën e tij. Nuk duam teatër të ri me 30 milion lekë. Duam të rrimë aty, të vuajmë nga turbekulozi. Le të ruajmë etikën artistike. Mos e bëni, na lini të vdesim nga trubekulozi?,- tha ai./ CNA.al





Lajmet e fundit nga