Milioneri i Apelit në “ethe”/ Gentian Trenova del para KPK-së

14 Qershor 2018, 08:12, Aktualitet CNA

Gentian Trenova, prokuror pranë Prokurorisë së Apelit Tiranë, ka dalë sot para Komisionit të Pavarur të kualifikimit.

Prokurori Trenova, i cili është edhe anëtar i Këshillit të Emërimeve në Drejtësi, më herët është shprehur skeptik për reformën në drejtësi, sot do të filtrohet nga KPK.

Trenova është përfaqësuar në seancën dëgjimore nga avokati Saimir Lame.

Ndër të tjera, Trenova ka qenë një nga prokurorët e parë që ka dalë në mbrojtje të ish-eprorit të tij Adriatik Llalla, pas përplasjeve që ky i fundit pati me ambasadorin amerikan

CNA.al ka zbardhur po risjell pasurinë e prokurorit Gentjan Trenova.

Vetëm me të ardhura nga puna e tij dhe e bashkëshortes, ai ka një llogari bankare me mbi 11 mijë euro, blen një makinë te rë në vlerën 1 468 800 lekë, hap një tjetër depozitë kursimi me 3 000 euro. Dhe nuk mbarojnë këtu kursimet. Në fund të vitit 2016 ai ka edhe 500 000 lekë të tjera kursime.

Do të ishte me interes për qytetarët që prokurori Trenova apo dhe kolegë tij nga prokuroritë e tjera dhe gjykatat, të tregonin për publikun se arrinin të kursenin aq shumë vetëm me të ardhura nga paga.

Duket se prokurorët i kemi ?kursimtarë? jo vetëm në aspektin e vënies së drejtësisë, duke amnistuar të korruptuarit e politikës dhe jo vetëm, në këmbim të komoditetit të tyre, por edhe në aspektin financiar.

Deklarata e pasurisë 31.03.2017

Shtesë në depozitën e kursimit e hapur me datën 13.08.2014, në shumën 4 000 euro. Shtesa është vendosur me datë 15.08.2016. të ardhurat janë nga kursimet e pagës. Gjendja e depozitës me numër 597261, në muajin gusht të vitit 2016 është bërë 11.074 euro.

Blerje automjeti me dtaë 30.11.2016 tip volsvagen, në shumën 1 468 800 lekë. Burimi nga kursimi prej 11.074 euro.

Depozitë kursimi, e hapur ma datë 01.02.2016 në shumën 3 000 euro.Të ardhurat janë nga kursimet e pagës së vitit 2015.

Gjendje cash e akumuluar në vite, në fund të muajit dhjetor 2016, në shumën 500 000 lekë.

Të ardhura nga paga neto si prokuror, pranë Gjykatës së Shkallës së Parë për Krime të Rënda, për periudhën janar-nëntor 2016 në shumën 1 436 230 lekë.

Të ardhura nga paga neto si prokuror, pranë Gjykatës së Apelit në Tiranë, nëntor 2016, në shumën 22 559 lekë.

Të ardhura nga paga neto si prokuror pranë Gjykatës së Apelit Tiranë, për muajin dhjetor 2016 në shumën 102 446 lekë.

Dieta të marra nga OPDAT në muajin prill të vitit 2016, të kaluara në llogarinë e pagës në shumën 73 500 lekë.

Balanca në llogarinë e pagës në fund të vitit 2016 në shumën 426 411 lekë.

Paga neto e bashkëshortes e dhjetorit 2015, kredituar në janr 2016 në shumën 42 690 lekë.

Dëshpërblim për largimin nga puna të bashkëshortes nga UKT ?ja, në shumën 102 269 lekë.

Të ardhura nga paga neto e bashkëshortes në UKT, për muajt prill-dhjetor 2016 në shumën 393 847 lekë. Paga e dhjetorit në vlerën neto është 41 459 lekë, kredituar na janar të vitit 2017.

Balanca në llogarinë e pagës së bashkëshortes në fund të vitit 2016 është 10 613 lekë./CNA.al