Pas vendimit të Gjykatës Kushtetuese pagat e gjyqtarëve arrijnë deri në 4 mijë euro

13 Qershor 2018, 19:12, Aktualitet CNA

Vendimi e konstatimi i Gjykatës Kushtetuese është po aq i favorshëm edhe për sistemin gjyqësor. Rritja e pagave të Qeverisë reflektohet automatikisht edhe tek pagat e prokurorëve e gjyqtarëve. Por, as vetë institucioni që mori këtë vendim nuk do të mbetet keq.

Kështu shkrun kosovarja “Zeri.Info” në një publikim të sotmin, ndërsa kumton

se 6 gjyqtarë të Gjykatës Kushtetuese, Arta Hajrizi, Ivan Cukaloviq, Altay Suroy, Snezhana Botusharova, Selvete Gërxhaliu dhe gjyqtari raportues, Bekim Sejdiu, me aktgjykimin pro vendimit të Ramush Haradinajt për rritjen e pagave, kanë vendosur edhe pro rritjes së pagave të veta.

Vetëm dy nga ta kanë kundërshtuar aktgjykimin, portugezi Almiro Rodrigues dhe Gresa Caka-Nimani.

Avokati Besnik Berisha thotë se paga e tyre, e cila sipas llogarive mund të shkojë deri në 4 mijë euro, do t?iu rritet me automatizëm.

Gjykata Kushtetuese e Kosovës e ka hedhur poshtë ankesën e Lëvizjes Vetëvendosjes se në vendimin e kryeministrit Ramush Haradinaj për rritje të pagave ka pasur shkelje.

Ky institucion ka konsideruar se nuk ka pasur prova bindëse nga parashtruesit e lëndës për t?i mbështetur pretendimet e tyre.

Kësisoj, kryeministri Haradinaj do ta marrë pagën mujore 2950 euro, nga 1500 sa e kishte më parë. Ngjashëm do të marrin pagë me rritje edhe vartësit e tij, përjashto këtu vetëm zëvendësministrat.

Por, konstatimi i Gjykatës Kushtetuese është po aq i favorshëm edhe për sistemin gjyqësor. Rritja e pagave të Qeverisë reflektohet automatikisht edhe te pagat e prokurorëve e gjyqtarëve. Por, as vetë institucioni që mori këtë vendim nuk do të mbetet keq. Kryetari Gjykatës Kushtetuese dhe gjyqtarët e kësaj gjykate do të marrin paga më të larta si pasojë e këtij vendimi, shkruan “Express”.

Ministri i Drejtësisë, Abelard Tahiri, ka thënë se rritja e pagave do t?i prekë edhe ata të Gjykatës Kushtetuese. Por kundër vendimit të Kushtetueses, ishin deklaruar dy gjyqtarë që ishin pjesë e kolegjiumit. Gjyqtarët Almiro Rodrigues dhe Gresa Caka-Nimani janë distancuar nga ky vendim duke thënë se respektojnë vendimin e shumicës së gjyqtarëve të Gjykatës Kushtetuese, megjithatë thonë se nuk mund të pajtohen me të, për shumë arsye që i kanë cekur në mendimin e përbashkët mospajtues, publikuar në faqen e Kushtetueses.