Problemet Kosovë-Serbi/ Serbët kërkojnë një Rambuje të dytë

9 Qershor 2018, 19:03, Aktualitet CNA

Ka një shans që problemet Kosovë-Serbi të zgjidhen duke organizuar një konferencë ndërkombëtare, shkruan sot gazeta serbe “Danas”, e sjell duke u thirrur në burimet e saj diplomatike.

Siç raporton kjo gazetë e njohur nga Serbia, Prishtina dhe Beogradi do të negociojnë për zgjidhjen e problemeve bashkë me ?lojtarët e mëdhenj botëror?.

Në një takim të tillë siç raportohet do të merrnin pjesë Amerika, Britania, Franca, Italia. Duke mos e pëjashtuar as Rusinë, Kinën dhe Turqinë, transmeton “lajmi.net”.

Madje sipas këtyr burimeve një konferencë e tillë do të ishte një Rambuje e dytë.

?Konferenca ndërkombëtare e nivelit të lartë që në të vërtetë do të përfaqësohej si një Rambuje e dytë, mund të mbahet në një shtet të perëndimit me qëndrim neutral si Zvicra. Nga fuqitë e mëdha botërore pritet të diskutohen rrugët për të normalizuar raportet e plota ndërmjet Beogradit dhe Prishtinës, dhe këtu do të mund të krahasonim situatën me negociatatat në Rambuje. Edhe pse qeveria e Serbisë preferon që kjo të jetë një lloj Marrëveshja e Daytonit, pasi nga një marrëveshje e tillë doli Republika Srpska në Bosnje. Sidoqoftë vetë Vuçiqi, preferon që zgjidhja të arrihej në një format më të gjerë, sesa në zyrën e Brukselit?, kanë thënë burimet diplomatike të “Danas”-it.

E cila vijon të shkruaj se Gjermania ka pakënaqësi të mëdha deri më tani për dinamikën e dialogut ndërmjet Beogradit dhe Prishtinës.

?Sipas bashkëbiseduesve tanë të mirë-informuar në Berlin ende nuk kanë dhënë ndonjë ide për të dërguar të posaçëm, i cili do të ishte përgjegjës për formën e dialogut. Zgjedhja do të ishte në ndonjë ish-zyrtar gjerman që respektohet në Berlin, Bruksel, Uashington dhe Moskë?, shkruan kjo gazetë.

Si arsyetim për një ?Rambuje të dytë? raportohet të ketë qenë takimi i fundit për të cilin mediat kanë shkruar se është zhvilluar në Nju Jork, nga vendet e Quintit.

Madje theksohet se Amerika ka zbutur qëndrimin sa i përket ndarjes së Kosovës. Gjë për të cilën, sipas medies serbe Gjermania është kategorikisht kundër.

Siç mëson “Danas”, gjermanët vazhdojnë të theksojnë se ndarja e mundshme e Kosovës do ta ?hapte kutinë e Pandorës në Ballkan?.