web counter
LEXO PA REKLAMA!

SHKARKO APP

App Store
Google Play

Kuvendit po saboton integrimin e Kosovës në BE

9 Qershor 2018, 16:20, Aktualitet CNA

Institucionet e Kosovës janë duke u vonuar me miratimin e pakos së ligjeve që dalin si nevojë për përmbushjen e kritereve në procesin e integrimeve evropiane, thonë zyrtarë të Qeverisë dhe ata të shoqërisë civile.

Funksionimi i ngadalshëm i Kuvendit të Kosovës, shihet si një prej pengesave më të mëdha në këtë drejtim.

Ministrja e Integrimit Evropian në Qeverinë e Kosovës, Dhurata Hoxha, thotë për radion “Evropa e Lirë”, se institucionet po vonojnë me miratimin e ligjeve që ndërlidhen me agjendën për reformë evropiane edhe Qeverisëi duhet një dinamikë më e madhe në këtë drejtim.

Kuvendi, aktualisht, ka më shumë se 30 ligje që është duke i shqyrtuar, e që kanë të bëjnë me integrimin evropian. Para pak kohe ka miratuar 9  projektligje që ndërlidhen me agjendën për reformë evropiane.

Pakoja e ligjeve që ndërlidhen me integrimin është e madhe dhe në të bëjnë pjesë ligje nga sektorë të ndryshëm, si ai për sistemin e drejtësisë, pakoja e ligjeve anti- korrupsion, ajo e reformave në administratën publike, për arsimin e të tjera.

Në rast të mosmiratimit të ligjeve që kanë të bëjnë me proceset integruese, sipas ministres Hoxha, Kosova si shtet, do të mbetet edhe më shumë mbrapa në këtë proces.

Analistët thonë se fajin për jo-efikasitet në miratimin e ligjeve në Kuvendin e Kosovës, duhet ta mbajnë edhe partitë politike të përfaqësuara në legjislativ, si ato në opozitë, ashtu edhe ato në pushtet.

Mospajtimet dhe përplasjet e shpeshta ndërmjet deputetëve të partive politike, kanë bllokuar miratimin e shumë ligjeve dhe çështjeve të tjera. /Rel/





Lajmet e fundit nga