web counter
LEXO PA REKLAMA!

SHKARKO APP

App Store
Google Play

E fundit!

x

Ndëshkim ndaj prokurorëve që u dështojnë akuzat

9 Qershor 2018, 16:51, Aktualitet CNA

Përfaqësues të Shoqërisë Civile dhe njohës të çështjeve të drejtësisë pohojnë se duhet të rishikohet se ku qëndron problemi i hedhjes së aktakuzave të rasteve të korrupsionit, ku janë të përfshirë zyrtarë të lartë. Në rastet kur një prokurorit nuk i kalojnë vazhdimisht lëndët në gjykatë për gabime procedurale ose për gabime të qëllimshme, sipas tyre ai prokuror, pas vlerësimit, duhet të lirohet nga detyra e tij, shkruan sot gazeta “Zëri”.

Shumë aktakuza të profilit të lartë kanë përfunduar me aktgjykim lirues nga gjykatat në mungesë të provave, duke përfshirë rastin e ish-rektorit të Universitetit të Prishtinës, Enver Hasanit, të ish-kreut të Gjykatës së Apelit, Sali Mekajt, të ish-sekretarit të përhershëm të Ministrisë së Shëndetësisë, Ilir Tolajt e shumë raste të tjera.

Kjo ka nxitur reagime. Zyrtarë të Prokurorisë së Shtetit pohojnë se ka pasur raste kur prokurorët janë detyruar të shkojnë në trajnime, pasi për performacën e tyre janë vlerësuar minimalisht nga Komisioni për Vlerësim të Performacës. Çështja e vlerësimit të performancës së prokurorëve, sipas tyre, është rregulluar me Rregulloren Nr. 12/2015, që përcakton kriteret dhe burimet e informacionit për të realizuar vlerësimin e performancës nga ana e Komisionit përkatës.

Kryetarja e këtij Komisioni, Ikramije Bojaxhiu, thotë se çështja e aktakuzave të parashtruara nga prokurorët dhe të vendimeve gjykuese e liruese të gjykatës përbëjnë vetëm dy nga kriteret e përcaktuara në procesin e vlerësimit të performancës së prokurorëve.

Sipas saj, performanca e prokurorëve vlerësohet në bazë të pesëdhjetë kritereve në kuadër të procesit të vlerësimit të prokurorëve, ndërkaq raporti i aktakuzave të ngritura nga prokurorët në relacion me vendimet e gjykatës janë vetëm dy nga këto pesëdhjetë kritere. Ndërkohë njohës të çështjeve të drejtësisë pohojnë se secili prokuror duhet të përgjigjet individualisht për veprimet e tij…





Lajmet e fundit nga