Dështon Xhafaj/ Krimi "drejton" Ministrinë e Brendshme

9 Qershor 2018, 17:40, Aktualitet CNA

E premtja e kësaj jave është mbyllur me një bilanc tragjik vdekjesh, që nga vrasjet deri te aksidentet.

Por dy vrasje që tronditen opinionin publik, vrasja e dyfishtë në Don Bosko, ndërsa tjetra mbrëmjen e djeshme në Durrës.

Mëngjesin e djeshëm dy të rinj humbën jetën, pasi rreth orës 08:20, një 31-vjeçar qëlloi për vdekje me armë zjarri një 19-vjeçare dhe më pas qëlloi veten.

Por ajo çfarë e bën edhe më tronditëse është fakti se një vrasje e tillë mund të ishte parandaluar nëse policia do të kishte marrë masat e duhura.

Xhuljeta Çuni u ekzekutua dje me dy plumba na ish-i dashuri i saj Xhafer Mata, pasi kishte refuzuar që të vijonte lidhjen me të. Por Xhuljeta mund të ishte gjallë. Gazetari Spartak Koka ka zbuluar në emisionin ?Kjo javë? në ?Neës24? se një muaj më parë vajza kishte denoncuar në komisariatin nr.3 Xhafer Matën për përndjekje, por autori ishte mbajtur vetëm 10 orë i shoqëruar në polici.

Ndërkohë në mbrëmje një tjetër krim tronditi, kësaj here qytetin bregdetar, Durrësin, ku bashkëshorti vrau gruan.

Sërish një ngjarje e paralajmëruar.

Mbrëmjen e djeshme Çlirim Shaholli ekzekutoi bashkëshorten e tij, pas një konflikti në familje. Konflikt i cili sipas të dhënave, ishte për motive banale dhe për arsye të kushteve të varfërisë. Vetëm Adriana punonte dhe bashkëshorti nuk punonte.

Gazetari Spartak Koka shprehet se sipas raportimeve të familjarëve të Adriana Shahollit, ajo është paraqitur disa herë për të denoncuar dhunën e bashkëshortit në polici, por sipas tyre, bashkëshortin e saj e arrestonin për disa orë dhe pastaj e linin të lirë.

Ndërkohë më tej gazetari tha se ?S?kanë pasur një mekanizëm të qartë se si duhej zgjidhur situatën.?

Gjithashtu gazetari Koka riktheu në vëmendje edhe rastin e Dibrës, ku djali i kthyer nga emigrimi vret nënën dhe babain.

Ndërkohë që ministri I Brendshëm Fatmir Xhafaj flet për grupe kriminale, krimi në familje shënon bilanc tragjik brenda një dite. Dhe nga ana tjetër ka mungesë transparence nga ana e uniformave blu.

Gazetari Koka tha se ?Sot jemi me një drejtor të ri policisë, me një kupolë të re të policisë. Kemi një mungesë transparencë për ngjarje të tilla. Nuk po flasim për hetimin e grupeve kriminale, por për ngjarje dite që prekin shumë e më shumë jetën e qytetarëve. Rastet e denoncimeve në Tiranë janë të shumta. Në datën 22 maj një qytetar ishte paraqitur për të kallëzuar një person që e përndiqte. Dhe ai ishte arrestuar. Pse në rastin e Xhuljetës nuk është vepruar kështu? Ose pse nuk u zgjidh një tjetër mënyrë.?