E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Gjyqtarë dhe prokurorë me para në kompani offshore/ Zbulohen depozitat e fshehura bankare

9 Qershor 2018, 09:13, Aktualitet CNA

Reforma në drejtësi dhe efektet e vetingut kanë bërë që shumë zyrtarë të lartë të nxjerrin jashtë vendit paratë e vëna nga korrupsioni. Britania e Madhe dhe Shtetet e Bashkuara të Amerikës janë shtetet ku gjatë vitit që lamë pas ka pasur më shumë transferta bankare.

Pak kohë më parë Drejtoria e Pastrimit të Parave prezantoi raportin vjetor dhe aty tregohej se vitin që lamë pas ka pasur 369 transferta të dyshimta. Por gazeta ka kërkuar nga kjo drejtori të dhëna mbi shtetet ku ka pasur transferta dhe ato me të cilat është bashkëpunuar.

DPPPP ka thënë se vendet ku ka pasur destinacione më të shumta për transferta të dyshimta parash janë: Britania e Madhe, Greqia, SHBA, Italia Belgjika, Mali i Zi, Holanda dhe Kosova.

Në këto shtete mësohet se janë dërguar plot 74 letër-porosi vitin që lamë pas, ku janë kërkuar informacione mbi depozitat bankare, llogari bankare apo transferta të dyshimta parash të bëra nga shtetas shqiptarë, kryesisht kontigjentë të botës së krimit, por dhe zyrtarë të lartë shtetërorë.

Pak kohë më parë gazeta ?SOT? raportoi se në Londër autoritete vendase kanë rënë në gjurmët e pasurisë së një politikani të lartë shqiptar, i cili ka bërë transferta të shumta parash atje.

Por sipas të dhënave të siguruara nga Drejtoria e Pastrimit të Parave, Londra është në krye të shteteve ku pastrohen dhe fshihen para nga shumica e shqiptarëve. Megjithatë si Britania e Madhe, ashtu dhe vendet e tjera kanë dhënë shumë informacione pranë DPPPP për mjaft shtetas, përfshirë dhe zyrtarë të lartë.

Një burim tha se falë 74 letërkëmbimeve mes shteteve të ndryshme është arritur të zbulohen dhe aferat e gjyqtarëve dhe të prokurorëve.

Një rast është ai i Fatos Lulos, pasi u zbuluan të dhëna për banesën e tij në Kanada. Por kjo drejtori me ndihmën e ndërkombëtarëve ka nisur trajnimet dhe po ashtu po mbledh të dhëna për një sërë personalitetesh të politikës shqiptare.

Kjo gjë po bëhet më kërkesë të partnerëve dhe të gjitha dosjet do i vihen në dispozicion SPAK sapo ajo të krijohet.

Sipas ligjit, puna e SPAK duhet të nisë me dosjet që ka në dorë Prokuroria e Krimeve të Rënda. Por kjo e fundit shumë pak çështje të rëndësishme po heton.

Në këtë aspekt, partnerët në bashkëpunim me autoritetet shqiptare janë duke përgatitur terrenin që SPAK sapo të ngrihet të nisë goditjet në nivele shumë të larta.