E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Dështimet e njëpasnjëshme të Bashës/ Grupi i kritikëve, nxjerr ”zbuluar” kreun e PD

9 Qershor 2018, 08:23, Aktualitet CNA

Partia Demokratike prej kohësh ka ndërmarrë një aksion politik kundër qeverisë. Por edhe pse shpesh ka denoncuar raste të shumta kundër mazhorancës, Partia Demokratike i ka ndërprerë këto kauza në mes dhe nuk i ka çuar asnjëherë deri në fund.

Por pikërisht mos vazhdimi i aksionit opozitar deri në fund dhe mungesa e një qëllimi nga ana e PD, ka bërë që shumë demokratë të humbin besimin tek kjo forcë politike dhe të mos japin mbështetjen maksimale në protestat apo kauzat që opozita ndërmerr.

Madje, rezerva në lidhje me aksionin opozitar që PD ka ndërmarrë këto kohë kanë shprehur edhe demokratë nga grupi i kritikëve, të cilët edhe pse me një fizionomi jo të njëjtë me Bashën, vijojnë të japin mbështetjen e tyre për PD dhe njëkohësisht të risin presionet ndaj kreut demokrat.

Në një reagim për gazetën ?SOT?, ish-deputetja e PD, Arbjola Halimi duke u ndalur tek çështja e aksionit opozitar, deklaroi se PD duhet t?i çojë këto kauza deri në fund pasi po ul besueshmërinë tek njerëzit.

?Unë jam e mendimit që aksioni kur nis të ketë vazhdimësi. Të mos jetë frenetik apo i ndërprerë sepse ul besueshmërinë e njerëzve. Kauzat janë të mëdha por ende nuk e kemi gjetur formën e duhur të aksionit opozitar. Nuk duhet të jetë protesta qëllim në vetvete por mjeti për të treguar se në këtë vend gjërat shkojnë keq e më keq?, u shpreh ish-deputetja e PD, Arbjola Halimi.

Leonard Olli: PD të ndërthurë kauzat

Këshilltari i PD në Këshillin Bashkiak të Tiranës, Leonard Olli, ashtu si dhe ish-deputetja Halimi, deklaroi dje për gazetën se Partia Demokratike duhet të ndërthurë aksionet opozitare dhe t?i çojë ato deri në fund.

Sipas Ollit vazhdimi deri në fund i aksionit opozitar do të rrisë besimin e nevojshëm të PD në opinionin publik. ?Unë opinionin tim e kam thënë dhe publikisht edhe në strukturat e Partisë Demokratike, që kauzat duhet të merren dhe të ndërthuren sa në aspektin e reagimit brenda kornizave konstatuese, d.m.th me protesta dhe tubime, aq edhe në aspektin institucional.

Madje një ndërthurje në kuptimin që ajo që artikulohet politikisht dhe publikisht duhet patjetër që të marrë formën e plotë por edhe besimin e nevojshëm të opinionit publik, duhet të konkretizohet edhe me hapa institucional ligjor.

Sikur mund të ishin përshembull ngritja e padive penale, çuarja e çështjeve të ndryshme në organet e drejtësisë qoftë edhe nëpërmjet gjykatave, pavarësisht mosfunksionimit të Gjykatës Kushtetuese. Ky pozicion mbetet opinioni im i pandryshuar në aspektin dhe realizimin e aksionit opozitar?, tha Leonard Olli.

Fabian Topollaj: Opozita të jetë më strategjike

Krahas Halimit dhe Leonard Ollit, të njëjtin qëndrim mbi aksionin opozitar shfaqi edhe këshilltari i djathtë i Bashkisë Tiranë, Fabian Topollaj. Ai deklaroi se opozita duhet të jetë më strategjike dhe se duhet të ngrejë kauza të cilat t?i rezistojnë kohës.

Duke theksuar se skandalet në qeveri janë të shumta, Fabian Topollaj u shpreh gjithashtu se Partia Demokratike duhet të jetë më e matur në qëndrimin që do të vendosë të mbajë në mënyrë që të mos e ndërpres aksionin opozitar në mes.

?Opozita sigurisht duhet të jetë më strategjike në aksionin e saj. Ajo duhet të ngrejë kauza të cilat i rezistojnë kohës dhe të tilla kjo qeveri skandalesh të krijon me shume seç duhet. Sikurse opozita duhet të jetë më e matur në një qëndrim që vendos të mbaj. Në mënyrë që t?i qëndrojë vendimit të saj dhe të mos e ndërpresë apo ndryshojë atë?, u shpreh Topollaj.