Edi Lesi shkakton xhelozi të madhe tek Enno!

8 Qershor 2018, 11:14, Aktualitet CNA

Edi Lesi prej kohësh ka zënë shtratin si Gjergj Elez Alia muhavitur plagësh e dhimbjesh prej atij shiatiku. Këshilltari buzëhollë i Bashës për punë mediash me gjasë nuk ka duruar më dhe është rrezuar si lis për dhe, mes rënkimesh e rropamash.

Me sa i ka parë syri e dëgjuar veshi tepër ka duruar, shumë ka vuajtur por po kaq ka qëndruar derisa zu shtratin e s?di të ngrihet. Kjo largesë e gjatë ka filluar të bëjë përshtypje në PD. Pas debateve ekzistenciale të Ennos me Salianjin se kush do të udhëheqë mendimin e kush veprimin, e sidomos mbi autorësinë e planit të shpëtimit kombëtar, thashethemnaja për mungesen e Lesit zien si koshere bletësh.

Enno, i cili pasi dogji buzet me qumësht i fryn dhe kosit pas diatrribes që i theu zemrën për një çast e gjetur përsëri paqen dhe vendosmërinë për të rishkruar të madhin plan të shpëtimit. Edi Lesin nuk e ka honepsur kurrë se ky shejtan nuk i njeh autoritetin, se ky jallan e sheh me qesendi, se ky viran e tall poshtë e përpjete duke dëmtuar seriozisht solemnitetin e partisë.

Por largimi i tij i gjatë po e vë në mendime. Po i bren ndërgjegjen dhe shpërqëndron vëmendjen. A mos Lesi ka vendosur edhe ai të shkruajë plan të shpëtimit kombëtar? Mos ndokush ka fotografuar bocat që kam shkruar vetë dhe zgërdhihet mbi to?

Eh ! Bote jallane që i plaçin sytë. Fakt është që Lesi po mbush gati 100 ditë, njëqind ditë vetmi. Basha është mërzitur dhe ka porositur Griden të duket asaj ane mbushur me barëra e dermane gjithëfarsoj…melhem më së shumti.

Salianji i cili tek botëkuptimi i krishterë i Lesit ka gjetur gjithmonë jatak, ka rënë në melankoli dhe i bie lirës në çdo muzg në shkallët e selisë së partisë.

Bernard Banushi, një qerrata e shkuar qerratait, një zog dreqit le të themi gërvisht e ç?jerr faqet si Lek Dukagjini për Skendërbeun prej marazi.

Ish ministri Gazmend Bardhi për të cilin, Lesi shpenzoi boll fjalë të mira pas duelit me shpata që pat ai me Muç Nanon në Opinion, shihte venger njerëzinë, zymtohej dhe meditonte për fatin e ?Babales? dhe të Agron Xhafajt.

Dana, e cila pikëllimin nuk e fsheh e trysnuar nga lajmet që vinin nga shtrat i lengatës, as nuk hante e as nuk pinte, madje kur i dhanë dy feta reçel me gjalpë për Ennon u dëgjua tek thoshte helm, helm ti çoj.

Strazimiri, ky lajmës i përjetshëm u shfaq me gjogun, e tij të cilin e lidhi pas blirit dhe shtiu dy a tri here në ajër…për ta kuptuar të gjithë së mbërriti…dha kumtin. Edi Lesi është mbyllur brenda nga frika se mos i vjedhin idetë dhe vetveten këta qafira që bredhin tutje tehu.

Aldo Bumçi mërmëriti e ç?na duhet Edi Lesi në PD? Kurrë mos ardhtë se katolikët i përfaqësoj unë në politikë.

Dikush tha që për tu rikthyer në zyrë ka vënë kusht që t?i çojnë tek derë e pallatit kalin e Strazos bashkë me padronin që të mbajë be Yzengji. Ta pranojë strazo këtë ??? Po Enno nga rikthimi i Lesit mërzitet apo lehtësohet??/ CNA.al