Video ekskluzive/ Qentë endacakë shfarosen për të vjedhur miliona

8 Qershor 2018, 17:25, Aktualitet CNA

Shoqatat për mbrojtjen e kafshëve por edhe mediet kohët e fundit kanë reaguar ashpër ndaj kryebashkiakut Erjon Veliaj dhe institucioneve në varësi të tij të cilat po kryejnë një shfarosje masive të qenve endacakë.

Përballë këtij genocidi qëndrojnë edhe tenderat që shkojnë disa qindra milionë lekë, ku abuzohet me cmimin, kostot por edhe vetë numrin e qenve që sterilizohen apo vaksinohen.

CNA.al në disa shkrime solli faktet e abuzimeve me tenderat dhe kostot reale në treg dhe diferencat me 6-8 herë me ato që blenë Bashkia Tiranë.

Por për të justifikuar abuzimet dhe milionat që shkojnë në disa xhepa duhet edhe një tjetër aksion. Vrasja dhe zhdukja e qenve. Një akt kriminal që bëhet ditën e natën nga Bashkia e Tiranës.

Video skandalet

Emisioni STOP në prill publikoi një denoncim ku me video ishin fotografuar me dhjetra qenë endacakë të ekzekutuar në Klinikën veterinare të AMK.

Kryebashkiaku Veliaj reagoi ashpër dhe mohoi gjithçka.

CNA.al rishkoi në Klinikën veterinare, u fut me kamera të fshehta dhe filmoi gjithçka ndodhte aty. Kërkuam të vendosim në vendin e duhur nderin dhe imazhin e ?cënuar? të kryebashkiakut Erjon Veliaj.

Në fakt ajo që pamë është e frikshme. Masakra ndaj qenve vazhdon. Vrasje të përditshme. CNA.al ka siguruar foto sesi me shiringe vriten qentë pa u futur në kafaze apo sterilizuar. Pra një vrasje e menjëhershme sapo futen në klinike. Korridoret janë plot me qenë të vrarë nga të gjitha anët. Qese të zeza por edhe qene korridoreve. Veliaj herën e parë e mohoi. Sulmoi dhe Sazan Gurin duke thënë qeset ishin mbetje, tani i ka me foto e video të vrarë qentë në korridoret e klinikës së tij shfarosëse.

Më poshtë do shikoni një video të ambienteve të Klinikës, gjak, papastërti, neveri kudo. Pa folur për fotot e kafazeve ku qëndrojnë 3 apo 5 qen ndërkohë me rregullore duhet vetëm një, por ky detaj përpara vrasjeve duket se s’ka vlerë.

Në video duket edhe Hermioni Hajdini përgjegjesja e Klinikës duke dhënë urdhrat e saj për vrasjen e qenëve. Është në korridore dhe në monitorim të masakrës ku duken me dhjetra qen të ekzekutuar. Ngordhja e tyre tyre bëhet masive pasi vendosen në gjumë. Masakra ndodh kryesisht në fundjave dhe shkon nga 40-50 qenë. Dyshohet se bashkia e Tiranës mnund të ketë vrara të paktën 10 mijë qenë endacakë në gati 2 vite. Veliaj thotë se janë 15 mijë por në fakt tashmë në Tiranë ka pak ose aspak qen endacakë, ata janë vrarë dhe shfarosur nga strukturat në varësi të Erion Veliajt.

Video dhe fotot e sjella sot nga CNA.al janë dëshmia më e fundit tronditëse që vërteton përfundimisht masakrën e Bashkisë Tiranë mbi qentë endacakë.

Këto materiale vërtetojnë se edhe gati 500 milionë lekë gjoja për vaksinim dhe sterilizim zhduken xhepave ashtu siç zhduken qentë endacakë. /CNA.al

Dokumentet ekskluzive/ Thellohet “skandali Veliaj”

Veliaj: 50 euro në ditë për kujdes ndaj një qeni rruge

Bashkia shfaros qentë endacakë/ Tre aktet vrasëse të Veliaj

Shfarosja e qenëve endacakë/ Veliaj e mohon dhe akuzon STOP

“Gjenocidi ndaj qenve”/ Si i shfarosi Erion Veliaj

Protestë para Bashkisë/ Shfarosja e qenve, shoqëria civile i vë kushte Veliajt