web counter
LEXO PA REKLAMA!

SHKARKO APP

App Store
Google Play

E fundit!

x

Piramidat e reja arsimore ndërkombëtare

8 Qershor 2018, 13:35, Aktualitet CNA

Në Tiranë janë hapur disa shkolla të paraqitura si ?ndërkombëtare?. Një pjesë janë krijuar në fakt nga shqiptarë.

Duket sikur këto shkolla janë dizajnuar saktësisht për të shfrytëzuar prirjen e prindërve drejt perëndimit, por edhe komplekset e tyre dhe mosnjohjen e mënyrës si funksionon arsimi në Perëndim. Këto shkolla, zakonisht ofrojnë mësim pa libra e pa detyra dhe me një liri të madhe të nxënësit për të vendosur për organizimin e mësimit. Por a përputhet kjo me rezultatet e pritshme? Prindërit presin që fëmijët e tyre të jenë në gjendje të konkurrojnë e studiojnë në universitetet më të mira të Perëndimit, por ndërkohë për tu futur në këto universitete nuk mund të vish nga një shkollë pa libra e pa detyra. Përkundrazi, kërkohen vite të tëra studimi intensiv, shpesh me tekste plotësuese përveç teksteve zyrtare shtetërore.

Çfarë ka ndodhur me shkollat e deritanishme ?ndërkombëtare??
Mjafton të përmendim një fakt: në Shqipëri ka 3 shkolla ndërkombëtare të licensuara për programet International Baccalaureat, por asnjë nxënës i këtyre shkollave nuk ka marrë dot një diplomë të tillë.  Nga ana tjetër, nxënësit e këtyre shkollave janë totalisht jashtë sistemit të provimeve shtetërore të lirimit dhe atyre të maturës. Madje, edhe kur prindërit e kuptojnë problemin e këtyre shkollave, e kanë të vështirë të transferojnë fëmijët në shkolla me sistemin zyrtar shqiptar për shkak të nivelit të dobët dhe mangësive të grumbulluara.

Më e keqja është se janë plotësisht të papërgatitur për të konkurruar për universitetet e mira perëndimore. Gjithashtu të mësuar me një shkollë që i ngjan një këndi lojërash, atyre u mungon edukata e punës dhe e kanë të pamundur të përshtaten me kërkesat e larta të universiteteve serioze. /CNA.al





Lajmet e fundit nga