Shteti në kolaps/ Paralajmërimi i fortë i ish-presidentit

8 Qershor 2018, 10:15, Aktualitet CNA

Ish-presidenti Bujar Nishani, nëpërmjet një postimi në faqen e tij në rrjetet sociale, deklaroi se shteti është futur në kolaps të plotë, ndërsa theksoi se deri tani nuk ka asnjë investim.

Sipas Nishanit, e vetmja para që lëvrohet me shumicë është valuta e huaj si produkt i trafikut të narkotikëve.

Gjithashtu ai thekson se prej disa vitesh nuk flitet për ?investime?, as si politikë e as si realitet.

Ndër të tjera, ai shkruan se ?E vetmja fushë që kjo lloj paraje cek, është betonizimi, jo vetëm si politikë e mbytjes dhe ndotjes urbane por dhe si pastrim i pisllëkut kriminal të parasë ilegale.?

Postimi i plotë:

Të dashur miq, shteti ynë i përbashkët është futur në kolaps të plotë.
Eshtë futur shteti në kolaps sepse janë në kolaps shtyllat e tij kryesore, mekanizmat e funksionimit të tij.
Eshtë futur në kolaps ekonomia.
Prej disa vitesh nuk flitet për ?investime?, as si politikë e as si realitet. Motorri i një ekonomie që zhvillohet është politika e investimeve, kryesisht në sektorët e prodhimit por dhe në infrastrukturë dhe shërbime. Investimet Zero !
E vetmja para që lëvrohet me shumicë është valuta e huaj si produkt i trafikut të narkotikëve.
E vetmja fushë që kjo lloj paraje cek, është betonizimi, jo vetëm si politikë e mbytjes dhe ndotjes urbane por dhe si pastrim i pisllëkut kriminal të parasë ilegale.
Fundi i tunelit të kësaj rruge mbetet tmerrësisht i errët, i destinuar për përplasje fatale
Infrastruktura asnjë investim ,
( sheshet e disa qyteteve përfshirë Tiranën përveçëse një shëmti urbanistike rezulton të jetë dhe një shpërdorim marramendës i parave të shqiptarëve.
Preventiva miliardëshe me çmimet e luksit evropian dhe punime të skaduara brenda viti, që nga palmat e thara tek pllakat e thyera dhe gropat e hapura.
Paratë e spitaleve, pensioneve, rrogave, ilaçeve, kopshteve e çerdheve të fëmijëve, të shpërdoruara dhe grabitura si % korrupsioni në këtë spekulim të propagandës së fasadës për mashtrim publik dhe elektoral.
Rrogat dhe pensionet; asnjë përmirësim në 5 vite, por paksim në raport me rritjen e çmimeve, taksave dhe korrupsionit në marrjen e shërbimeve.
Asnjë investitor i huaj !
Mbyllje të biznesit të vogël dhe të mesëm dhe largim në emigracion i fuqisë më energjike të punës dhe trurit më të ri.
Kolaps i institucioneve te shtetit !
Shkatërrimi i institucionit të zgjedhjeve përmes injektimit dhe kalcifikimit të kulturës së blerjes së votave nga grupet e të fortëve të liçensuar për ?bisnesin? e hashashit, heroinës, kokainës dhe tenderave të parave publike.
Politizimi ekstrem, nepotizmi dhe korrupsioni i të gjitha niveleve ka atrofizuar totalisht administratën e institucioneve të qeverisë.
Shërbimi më jetik për njeriun, ai shëndetësor është shndërruar në një monstër ku në vend të lehtësimit dhe shërimit të vuajtjeve ato shtohen e rëndohen.
Institucionet e drejtesisë janë futur në kolaps total dhe kontroll të plotë partiak !
duke e kthyer Shqipërinë në një Zuzuland unikal ku Gjykata Supreme dhe ajo Kushtetuese janë nxjerrë jashtë funksionit duke i shpërbërë dhe Shqipëria është kthyer i vetmi vend në botë ku pushteti ekzekutiv dhe ai legjislativ (i njehsuar me atë ekzekutiv në fakt) nuk kanë kurrfarë kontrolli ligjor.
Prokuroria e Shteti pas 25 vitesh të lindjes së shtetit ligjor u kthye totalisht deri në kufijtë e qesharakes, në një zyrë avokatie të qeverisë dhe atyre anëtarëve të maxhorancës qeverisëse të kapur në flagrancë në skandale dhe krime penale.

Policia e Shtetit e tradhtuar dhe paralizuar ! legjitimiteti i të cilës i shndërruar si një bucelë argjile që mund të përplaset në tokë në çdo moment nga duart e pakontrolluara të narkomanëve që justifikimin e papërgjegjshmërisë së tyre e kanë të garantuar tek modeli i kreut të Ministrisë së Brendshme, familjar i veprimtarisë së trafikut ndërkombëtar të kokainës.
Kjo tradhti dhe paralizë e policisë së shtetit nuk konfirmohet vetëm nga intensiteti i frikshëm i krimeve aq të përhapura si vjedhjet masive të shtëpive dhe bizneseve të qytetarëve apo trafikut të kanabisit të magazinuar prej një viti e që ska të ndalur, nga vrasjet që po shtohen çdo mesdite qyteteve të vendit, por më së shumti tek modeli zyrtar që dikton i pari qeverisë në imponimin përmes dhunës që të jep pushteti autokrat, se kush duhet të hetohet, si duhet të hetohet, çfarë akuze i duhet bërë, sa dhe si duhet të dënohet dhe se tek kush nuk duhet guxuar të afrohet hetimi dhe zbatimi i ligjit.
Policinë, prokurorinë dhe gjykatën jo vetëm i paralizoj totalisht shfaqja tragji-komike e Kryeministrit ?me ekspertizën anonime? të përgjimit audio të vëllait trafikant të Ministrit të Brendshëm dhe përpëlitjet e sforcuara të taborit të agjitatorëve qeveritarë, por tashmë deri në rikthimin e shtetit në Shqipëri ato janë inegzistente ?de facto?.
Sensi i gjendjes psikologjike të qytetarëve në ngërç të pa ndeshur kurrë më parë!
Paralizë totale e energjive pozitive të shqiptarëve. Humbja e shpresës dhe besimit ka zëvendësuar dëshirën, ambicien, angazhimin dhe përpjekjet. Udhëkryq më të mjegullt s?kanë patur kurrë Shqipëria dhe shqiptarët.
Këto, padyshim janë konstatime që i bën gjithkush sot.
Këtë kolaps të shtetit e sheh dhe e prek secili prej nesh sot.
Por dhe përgjegjësitë për shpëtimin e tij janë tek çdonjerit prej nesh sot, të dashur miq!
Angazhimi qytetar e civil për interesin e fëmijëve dhe të nesërmes ndryshe është intubimimi i vetëm për oksigjenin që do rikthejë shtetin në Shqipëri.

Belgjika njeh zyrtarisht patentat shqiptare

Një lajm i mirë për të gjithë shqiptarët vjen nga shteti belg, i cili tashmë për të gjithë ata që jetojnë atje apo e vizitojnë këtë shtet, ka njohur lejen shqiptare të qarkullimit të automjeteve.

Autoritetet belge kanë konfirmuar zyrtarisht njohjen e lejeve te drejtimit të lëshuara, nga autoritetet shqiptare.

Nëse një shtetas shqiptar shkon në Belgjikë për më pak se 3 muaj, ai mund të përdorë lejen shqiptare të drejtimit të automjetit.

Për shtetasit shqiptarë me qëndrim më të gjatë, duhet të paraqiten në komunën belge ku janë regjistruar për t?u pajisur me leje belge për drejtim automjeti, bazuar në lejen e tyre shqiptare të drejtimit të automjetit.