E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Klan konfirmon CNA.al/ Fevziu nuk iku

8 Qershor 2018, 18:07, Aktualitet CNA

CNA.al 8 ditë më parë, konkretisht më 31 maj 2018, bëri një shkrim duke u nisur nga burime të sigurta, se Fevziu përkundër ujërave mediatikë për një largim të mundshëm tek Top Channel, i kishte mbyllur negociatat me Frangajn dhe se do të vijonte të qëndronte në TV Klan.

Sot kur kanë kaluar 8 ditë, TV Klan reagon pas këtyre zërave duke konfirmuar lajmin e CNA.al, duke thënë se Fevziu do të vijojë të qëndrojë në këtë televizion për të paktën edhe 5 vite të tjera.

CNA.al, jo vetëm që tregoi që para 8 ditësh se Fevziu nuk do të largohej nga Klan, por edhe tha se paga e tij do të jetë 400-450 mië euro në vit, ndërsa e gjithë kjo duket se ishte një lojë për të rrritur pazarin, e realizuar nga Fevziu dhe Ben Blushi.

Ja shkrimi i plotë i CNA.al i bërë më datë 31 maj 2018

Dje në media u raportua për një kalim të mundshëm të gazetarit Blendi Fevziu dhe emisionit ?Opinion? në Top Channel.

Në media thuhej se Ben Blushi i ka bërë një ofertë të parezistueshme Fevziut, që ky i fundit të braktisë Klanin dhe të kalojë në Top Channel.

Por, mesa duket e gjitha paska qënë një lojë për të rritur pazarin.

Burime për CNA.al bëjnë të ditur se Fevziu ka disa ditë që i ka mbyllur negociatat me Frangajn dhe përfundimisht do të vijojë të qëndrojë në Klan, ndërsa paga do të jetë 400-450 mijë euro në vit.

Fevziu me Ben Blushin kanë bërë një lojë të tillë sikur Fevziu ka marrë një ofertë të ?çmendur? nga Top Channel.

Por ka një detaj, bilancet e Top Channel në vitet e fundit janë katastrofë. Kredi, detyrime dhe së fundi para pak kohësh u shitën edhe aksionet e ?Lori Kafe?. Pra, vështirë se mund të ketë financa kaq të fuqishme Top Channel, për të shkuar në një pagë të tillë siç përflitet nëpër qarqet gazetareske për një rrogë prej 400-450 mijë euro në vit për emisionin ?Opinion? dhe stafin e tij.

Ndërkohë pak muaj më parë, ?Fiks Fare?, një nga emisionet me audiencën më të madhe në Top Channel, me një staf prej gati 30 vetësh, u kalua në vetëfinancim.

Gjë që tregon jo pak se Top Channel ka pasur vërtetë probleme financiare.

Gjithçka duket të jetë një lojë e Ben Blushit dhe Blendi Fevziut. Duke folur për rritje pagash dhe oferta marramendëse, nga ana tjetër mund të çojë në Klan një rritje të rrogës së drejtuesit të emisionit ?Opinion?./ CNA.al

Fevziu qëndron në Klan/ Ja paga e çmendur