web counter
LEXO PA REKLAMA!

SHKARKO APP

App Store
Google Play

Shkërmoqet LSI/ Kryemadhi drejt “rrëzimit”

9 Qershor 2018, 08:02, Aktualitet CNA

Lëvizja Socialiste për Integrim duket se po përjeton ditët më të këqija pas largimit të këshilltarëve bashkiakë, militantëve, drejtorëve apo edhe punonjësve të administratës për t?iu bashkuar Partisë Socialiste.

Sikurse raporton gazeta  ?Sot? të larguarit pohojnë se janë të pakënaqur me mënyrën sesi kryetarja Monika Kryemadhi po e drejton partinë.

Një tjetër shkak që ka çuar në eksodin e përkrahësve të LSI është dhe aleanca e LSI me Partinë Demokratike. Por sipas informacioneve në kuadër të këtyre largimeve, vetë baza socialiste ka nisur rekrutimet me qëllim që të afrojë sa më shumë militantë të LSI pranë saj, përpara zgjedhjeve vendore të 2019.

Madje, socialistët në kuadër të këtyre rekrutimeve që po bëjnë dhe duke parë problemet me të cilat po përballet partia e Monika Kryemadhit si në bazë ashtu dhe strukturën drejtuese, po synojnë që t?i shkëpusin kësaj force edhe krerët e degëve. Lëvizje që nëse finalizohet nga ana e socialistëve do t?i shkaktonte Lëvizjes Socialiste për Integrim goditjen fatale. Goditje që do e çonte LSI-në drejt ?shkrirjes?.

Burimet I thanë gazetës ?Sot? gjithashtu se në dy qytete në zonën jugore të vendit kryetarët e bashkive po ashtu kanë nisur rebelimin dhe nuk përjashtohet mundësia që të kalojnë me PS.

Kjo gjë është vënë re nga Kryemadhi e cila ka nisur përgatitjet për të nisur reformimin e të gjitha degëve të LSI në vend, nga frika se kryetarët aktualë mund të bëjnë lojë të dyfishtë. Por një burim pranë LSI, i tha gazetës se krerët e saj i druhen këtij reformimi.

Ndërkohë vetë kryeministri Edi Ramën ka porositur degët që të bëjnë për vete sa më shumë militantë të LSI dhe pritet që shumë shpejt shumë krerë degësh, kryebashkiakë, por dhe deputetë të kalojnë në kampin socialist.





Lajmet e fundit nga