E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Fshehën pasuritë/ Komshinjtë “fundosin” gjyqtarët dhe prokurorët

9 Qershor 2018, 08:35, Aktualitet CNA

Zbulohet skema e Komisionit të Pavarur të Kualifikimit për të identifikuar banesat e fshehta të gjithë gjyqtarëve dhe prokurorëve.

Teksa njerëzit e drejtësisë në deklaratën veting kanë deklaruar pak shtëpi si prona të aksesueshëm nga ta, gazeta mësoi se organet e vetingut kanë thelluar verifikimet për gjyqtarët dhe prokurorët, në kuadër të procesit të rivlerësimit kalimtar, duke u bazuar në tre komponentët të qenësishëm.

Sipas informacioneve, komisionerët e vetingut kanë kërkuar informacione nga ndërmarrjet e Ujësjellës Kanalizimeve, kompanitë e interneti që operojnë në vend, OSHE, madje edhe dëshmi nga komshinjtë dhe dëshmitarë të besueshëm.

Mirëpo, interesant është fakti se përmes informacioneve të marrë nga këto agjenci shtetërore dhe jo vetëm, KPK ka nisur gjuetinë për t?i shkuar deri në fund analizës financiare të çdo subjekti, në mënyrë që të zbulojë sa më shumë detaje, ndryshe nga ato që janë deklaruar në deklaratën vetingut nga ana e tyre.

Madje, rasti më flagrant ku komisionerët e vetingut gjetën shkelje në lidhje me pasurinë, u bë publik ditën e djeshme gjatë seancës dëgjimorë për kryetarin e Gjykatës Kushtetuese, Bashkimi Dedja. Ishte pikërisht informacioni i marrë nga OSHE, i cili ndihmoi Komisionin e Pavarur të Kualifikimit që të zbulonte një apartament të Dedjes në Golem. Vetë Dedja kishte deklaruar se apartamenti në fjalë ishte në pronësi të vëllait të tij. Por këto pretendime KPK i hodhi poshtë pasi kontrata e energjisë ishte në emër të tij dhe se faturat e energjisë paguheshin nga vetë kryegjykatësi i kushtetuese, duke bërë që komisioni të dyshojë në autenticitetin e deklaratës veting të anëtarit të Gjykatës Kushtetuese.

Edhe pse disa gjyqtarë dhe prokurorë kanë deklaruar se nuk disponojnë shtëpi, pasi i kanë shitur, komisionerët e vetingut kanë thelluar hetimet, pavarësisht pretendimeve të njerëzve të drejtësisë, shkruan gazeta Sot.

Sipas informacioneve, në të gjitha pronat e deklaruara të shitura kanë zbarkuar komisionerët, të cilët kanë marrë në pyetje komshinjtë, në mënyrë që të dalin në konkluzione të sakta. Kështu, në rast se komshinjtë deklarojnë të kundërtën e pretendimeve të gjyqtarëve dhe prokurorëve, organet e vetingut e kanë më të lehtë për të përjashtuar nga sistemi gjyqtarët dhe prokurorët me pasuri të dyshimtë financiare dhe jo vetëm.

Po ashtu, mësohet se komisionerët e vetingut kanë marrë si bazë edhe dëshmitë e familjarëve dhe njerëzve të afërt të gjyqtarëve dhe prokurorëve, sa i takon deklaratës së pasurisë.