web counter
LEXO PA REKLAMA!

SHKARKO APP

App Store
Google Play

E rëndë/ Nëna mbyt fëmijën, gjyshja e hedh në plehra

14 Maj 2018, 15:14, Aktualitet CNA

Një ngjarje e rëndë raportohet të ketë ndodhur në Greqi në ditën ndërkombëtare të Nënës, ku 19-vjeçare shqiptare ka mbytur foshnjën e saj të porsalindur dhe më pas e ka hedhur në plehra.

Kësaj ngjarje të rëndë i bashkohet fakti, se në këtë akt makabër ka marrë pjesë edhe e ëma e 19-vjeçares, e cila ka qenë personi që e ka hedhur foshnjën e vrarë në koshin e plehrave. Mësohet se edhe pse 19-vjeçarja shqiptare ishte e lidhur me një djalë, ajo nuk i kishte treguar atij se priste një fëmijë, ndërsa në bashkëpunim me nënën, ka lindur fëmijën e saj në kushte shtëpie.

Policia ka arritur që me anë të ADN-së të identifikojë nënën e foshnjës së vrarë.

Mediet greke shkruajnë se, teksa u morën në pyetje, vajza me nënën e saj 54 vjeçe rrëfyen se pasi lindi foshnja, e mbytën dhe më pas e hodhën në kosh, pasi ?ishte shtatzëni e padëshiruar?. 19-vjeçarja është shprehur para autoriteteve se e kishte mbytur fëmijën e saj me kordonin e kërthizës në vaskë, më pas ia kishte dhënë nënës së saj për ta hedhur në plehra.

Mes të tjerash ajo shtoi se me të dashurin ishte njohur në ?Facebook?, por nuk ishte e sigurt nëse ishte fëmija i tij apo jo. Mësohet se ajo ishte shprehur se kishte bërë gjithçka për të parandaluar shtatzëninë, por nuk ia kishte dalë, gjë që ka sjellë mbytjen e fëmijës në vaskë.

Mësohet se vajza ka edhe një vëlla, i cili është edhe i vetmi person në familje që punon, pasi babai i saj kishte ndërruar jetë, ndërsa ende nuk bëhet i ditur identiteti i 19-vjeçares dhe nënës së saj, tashmë të arrestuara.

Policia po heton rreth dokumentimit të plotë të ngjarjes së rëndë. /CNA.al

 





Lajmet e fundit nga