web counter
LEXO PA REKLAMA!

SHKARKO APP

Hije skandali mbi Qeverinë/ Kë do të përgjonte ish-ministri i Ramës?

14 Maj 2018, 14:30, Aktualitet CNA

Kreu i grupit parlamentar të Lëvizjes Socialiste për Integrim, Petrit Vasili, në një konferencë për media ka rikthyer në skenë çështjen e përgjimeve.

Bëhet fjalë për kohën që Vasili ka qenë Ministër i Drejtësisë. Mirëpo vetëm sot ai ka zgjedhur ta bëjë publike këtë skandal.

Ai ka thënë, se iu kërkua që të fusnin përgjuesit deri tek krevatet e shqiptarëve, por pa specifikuar konkretisht se për çfarë bëhet fjalë.

Gjithë këtë Vasili e ka lidhur me reformën në drejtësi, ndërsa ka lëshuar akuza ndaj kreut të Komisionit të Ligjeve Ulsi Manja, i cili sot, në një bashkëbisedim me gazetarët, lakoi emrin e Vasilit.

?Dëgjuam dhe gënjeshtrën e Ulsi Manjës, që është gati të shkatërrojë edhe reformën në drejtësi. Kërkuan të fusnin përgjuesit deri në krevatet e shqiptarëve, kam luftuar kur isha ministër drejtësie kundër këtyre.

Manipulimi është i dukshëm për të tërë. Dua të di ç?bën prokuroria kur manipulimi është sheshit. Vazhdon e mbyll gojën. Nuk lëviz as gishtin kur dalin e flasin mashtruesit aty. Dokumentet janë kaq të qarta për të kuptuar që manipulimi është aty,? tha Vasili./CNA.al





Lajmet e fundit nga