web counter
LEXO PA REKLAMA!

SHKARKO APP

App Store
Google Play

E fundit!

x

Arta Marku “këput” krahun e djathtë të Llallës

14 Maj 2018, 11:16, Aktualitet CNA

Kryeprokurorja e përkohshme Arta Marku, ka pezulluar nga detyra prokuroren Rovena Gashi.

Kjo e fundit ndryshe njihet edhe si krahu i djathtë i ish-Kryeprokurorit Adriatik Llalla, pasi ka mbajtur detyrën e shefes së marrëdhënies me jashtë.

Mësohet se shkarkimi i Gashit, është bërë me vendimin nr.140, dt. 11-05-2018, bazuar në nenet 148/d pika 4, gërma ?b? dhe 179 pika 7 të Kushtetutës së Republikës së Shqipërisë.

Njoftimi i Prokurorisë së Përgjithshme

Prokurori i Përgjithshëm znj.Arta Marku me vendimin nr.140, dt. 11-05-2018, bazuar në nenet 148/d pika 4, gërma ?b? dhe 179 pika 7 të Kushtetutës së Republikës së Shqipërisë; në nenet 151, pika 1, gërma ?b? dhe pika 2 gërma ?b?; 155 dhe 160, pika 2, gërma ?c?, të ligjit nr. 96/2016, ?Për statusin e gjyqtarëve dhe prokurorëve në Republikën e Shqipërisë?, vendosi:

Pezullimin nga detyra të prokurores pranë Prokurorisë së Përgjithshme Tiranë, znj. Rovena Gashi.

Pezullimi i znj.Gashi u vendos pasi Kryeprokurorja u njoh me informacionin e Prokurorisë pranë Gjykatës së Shkallës Parë Durrës në lidhje me ngritjen e akuzës dhe marrjen në cilësinë e të pandehurit të shtetases Rovena Gashi për veprën penale:

?Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim?, në formën e deklarimit të rremë, parashikuar nga neni 257/a-2 i Kodit Penal.

Prokurorja Gashi do të jetë e pezulluar deri në përfundim të hetimeve ose gjykimit të procedimit penal të regjistruar pranë Prokurorisë pranë Gjykatës së Shkallës Parë Durrës./ CNA.al





Lajmet e fundit nga