web counter
LEXO PA REKLAMA!

SHKARKO APP

App Store
Google Play

Kush po i organizon sulmet ndaj Xhafajt/ Zbulohen autorët

14 Maj 2018, 10:33, Aktualitet CNA

“PD-ja është në të drejtën e saj si forcë kryesore opozitare duke sulmuar ministrin e Brendshëm Fatmir Xhafaj. Për vërtetësinë e fakteve do jetë drejtësia e cila do të vendosë, aq me tepër kur njoftohet se Prokuroria e Krimeve të Rënda ka inicuar një hetim për akuzat e selisë blu.

Por kaq shumë e përditë si në një film me metrazh të shkurtër dhe me seri pafund, duket se ka një skenar”, kështu e ka nisur shkrimin e tij, lidhur me sulmet ndaj ministrit të Brendshëm, Fatmir Xhafaj, pronari i gazetës “Koha Jonë”, Nikollë Lesi.

Lesi thotë se Partia Demokratike, mbetet në lojë politike, pasi po përdoret nga ata eksponentë të PS-së, që nuk e duan Fatmir Xhafajn.

“Natyrisht ministri Fatmir Xhafaj mbrohet vetë dhe nëse ka shkelur ligjin të përgjigjet para drejtësisë dhe politikisht para PS-së.

Megjithatë tabloja e një ?filmi serial? për këtë çështje duket se ka një koordinim përfekt mes PD dhe një pjese të PS-së e cila nuk do Fatmir Xhafaj si ministër. PD-ja thamë se mbetet në lojën e saj politike. Por selia rozë e cila frymëzon sulmin ndaj ministrit dhe pa prekur asnjë fije kryeministrin, bën gabimin e radhës sepse tregon se mbetet frymëzuesja e fshehur e këtij sulmi serial, duke ngrënë ?bijtë e saj? me gojën e të tjerëve.

Apo sulmi me anë të PD-së bëhet që PS-ja të vendosë ministër të brendshëm një ?Sajmir? tjetër për ta rimbushur edhe njëherë Shqipërinë jo më me kanabis, por me kokainë?

PS-ja si një strukturë gjigande, si ajo e Metarlurgjikut në Elbasan, gjithnjë në degradim edhe prej viteve, por edhe nga drejtimi, pra gjendet në një grumbullim amorf ideshë, grupesh, interesash,etj. Në PS, Rilindja drejton e fiton, kurse socialistët votojnë.

Edhe një saktësim: PD-ja pse nuk flet me atë forcë të dikurshme ndaj ish-ministrit të brendshëm Sajmir Tahiri apo janë në një llogore bashkë kundër ministrit Fatmir Xhafaj?, shkruan Nikollë Lesi. /CNA.al





Lajmet e fundit nga