E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

A e shpëton dot e keqja Edi Rama, Lulzim Bashën?!

14 Maj 2018, 10:35, Aktualitet CNA

Kryetari i Partisë Demokratike në detyrë, Lulzim Basha po përpiqet të gjejë një komardare shpëtimi pas përçarjes dhe dobësimit ekstrem të Partisë Demokratike.

Luli dhe të tijtë kanë filluar të gjejnë një argument për të shpëtuar nga uragani dhe kritikat që vijnë nga kritikët por dhe nga qytetarët që kanë pritshmëri të larta për opozitën.

Basha dhe të tijtë kanë dalë me një argument të ri. Edi Rama është e keqja, të merremi me të dhe ta lëmë Lulin, sepse kështu duke sulmuar Bashën çohet ujë tek Edi Rama.

Në fakt të sulmosh Lulzim Bashën, sulmon edhe Edi Ramën sepse Basha është ortaku i kryeministrit. Është njeriu që u pagua dhe u përdor nga Rama me vetëdije. Ai shiti zgjedhjet te kryeministri, për të mbajtur karrigen e kryetarit të PD-së.

Lulzim Basha është ortak me Edi Ramën, edhe për 16 milionë eurot e vjehrrit të tij. Është ortaku i Edi Ramës për bizneset e kunatit dhe familjarëve të tij, të cilat vetëm shtojnë të ardhura.

Edi Rama nuk e sulmon Lulzim Bashën. Edi Rama e do në krye të PD, Edi Rama e do ?kundërshtar? sepse me Lulin e gjen gjuhën, mjafton pazari, thesi me lek dhe PD nga opozitë kthehet në aleaten e Edi Ramës dhe vizioni i Bashës është të qeverisë me Edi Ramën, ashtu siç bëri edhe një vit më parë. Këtë e di Basha, këtë e di familja e tij, këtë e dinë demokratët, këtë e di Edi Rama, këtë e di edhe Sali Berisha.

Sot nuk duhet sulmuar vetëm kryeministri, por Rama, Basha dhe Meta bashkë. Duhet sulmuar sistemi. Duhet sulmuar estabilishmenti. Duhet sulmuar korrupsioni Rama-Meta, korrupsioni Meta-Basha, korrupsioni Rama-Basha.

Kjo kastë, apo treshe që po rrjepin shqiptarët çdo ditë. Dhe gjithçka shkon në shërbim të Lulit dhe familjarëve të tij si dhuratë nga Edi Rama që nën sqetull mban edhe Ilir Metën.

Prandaj sulmi sot ndaj Lulzim Bashës është sulm ndaj Edi Ramës, sulm ndaj Ilir Metës dhe sulm ndaj sistemit dhe korrupsionit politik të kësaj tresheje që fillon në Kryeministri, shkon në Presidencë dhe përfundon tek Opozita./ CNA.al