web counter
LEXO PA REKLAMA!

SHKARKO APP

App Store
Google Play

Sekuestrimi i 613 kg kokainë në Durrës/ Arrestohet në Gjermani Arbër Çekaj

4 Maj 2018, 12:11, Kronika CNA

Policia ka bërë të mundur arrestimin në Gjermani të pronarit të kompanisë ?Arbri Garden?, Arbër Cekaj.

Policia bën të ditur se arrestimi i tij është bërë ne nje province prane Dysedorfit, në kuadër të bashkëpunimit mes Policisë së  Shtetit dhe agjensive te tjera si dhe me Prokurorinë Krimeve të Renda.

Arbër Cekaj eshte pronari i kompanise Arbri Garden e cila ishte porositesja e kontenierit me banane nga Kolumbia brenda te cilit u kap sasia rekord e kokaines ndonjehere ne vendin tone.

Arbër Çekaj, pronari i ngarkesës me banane ku u zbulua 613 kg kokainë, është hetuar edhe rreth 2 vite më parë, si i dyshuar për përfshirjen në trafikimin e kokainës. Sipas burimeve nga Policia e Shtetit, mësohet se në dhjetor të vitit 2015, kompanisë ?Arbri Garden? të Arbër Çekajt i janë kapur 90 kilogram kokainë në Ekuador.

Për këtë rast, Policia pati referuar materialet në Prokurorinë e Krimeve të Rënda më datë 22 dhjetor 2015, me numër protokolli 12041 dhe 12041/1. Ndërsa në janar të vitit 2016, pas referimit të materialeve, Çekaj është shoqëruar me iniciativën e Policisë për të dhënë deklarimet në lidhje me këtë rast trafikimi, që në fakt ishte parandaluar që në vendin e origjinës. Megjithatë, hetimet për këtë rast zgjatën vetëm disa muaj dhe më pas çështja mbeti pezull në Prokurorinë e Krimeve të Rënda, ku dosja u arkivua.

Por pas zbulimit të 613 kg kokainë, në magazinat e kompanisë së tij në Maminas, që kësaj here kishte ardhur nga Kolumbia, dosja e dy viteve më parë është hapur duke iu bashkuar procedimit të fundit, për të cilin Arbër Çekaj është shpallur në kërkim.





Lajmet e fundit nga