web counter
LEXO PA REKLAMA!

SHKARKO APP

App Store
Google Play

Hetimet për Tahirin/ Zbardhet lëvizja e radhës e prokurorisë

1 Maj 2018, 08:19, Kronika CNA

Prokuroria e Krimeve të Rënda ka bërë një tjetër lëvizje në lidhje me hetimet për ish-ministrin e Brendshëm, Saimir Tahiri.

Gazeta Panorama ka zbardhur lëvizjen e fundit të prokurorisë, ku theksohet se është marrë në pyetje së fundmi truproja e ish-ministrit Tahiri, Elvis Rexha, i cili ka qenë prezent në disa prej udhëtimeve të Tahirit jashtë vendit, kryesisht në Itali dhe Greqi.

Pikërisht në këto dy vende Prokuroria e Krimeve të Rënda u ka dërguar më parë letërporosi autoriteteve përkatëse për të marrë përgjigje mbi lëvizjet e ish-ministrit. Marrja në pyetje e Rexhës vjen pak kohë pasi Prokuroria e Krimeve të Rënda zgjati afatet e hetimeve me tre muaj të tjera për ish-ministrin Tahiri.

Ky i fundit është nën hetim për trafik droge dhe pjesëmarrje në grup të strukturuar kriminal, po aq sa edhe për shpërdorim detyre. Ka dyshime se ish-ministri ka favorizuar grupin e Habilajve të trafikonte drogë nga Shqipëria drejt Italisë gjatë kohës që mbante postin drejtues.

Sa i përket marrjes në pyetje të truprojës, burimet thonë se ai është pyetur edhe për disa persona të tjerë, që janë nën hetim nga Prokuroria e Krimeve të Rënda, si ish-drejtuesit e Policisë së Vlorës, Gjergj Kohila dhe Jaeld Çela, të shpallur në kërkim. Gjithashtu, në pyetje janë marrë edhe disa banorë të fshatit Gjorm, vend nga është me origjinë edhe Nezar Seiti, i konsideruar si financier i grupit të Habilajve.

Seiti shihej në Shqipëri si person kyç që mund të dëshmonte për Tahirin, por ai nuk u mor asnjëherë në pyetje gjatë qëndrimit këtu, deri sa u ekstradua mes shumë polemikash në janar të këtij viti. Ai pritet të merret në pyetje në Itali për llogari të drejtësisë shqiptare.

Nga ana tjetër, ?Panorama? shkruan se në Krimet e Rënda ka ardhur edhe përgjigjja e letërporosisë së dërguar nga Krimet e Rënda drejt Greqisë, për lëvizjet e Tahirit atje në vitin 2014, me mjetin e Habilajve. Në përgjigje nuk ka pasur të dhëna që mund t?i shërbejnë çuarjes përpara të dosjes së Tahirit.





Lajmet e fundit nga