web counter
LEXO PA REKLAMA!

SHKARKO APP

App Store
Google Play

E fundit!

x

Financieri i Habilajve bashkëpunëtor i drejtësisë?/ Ja çfarë thonë mediet italiane

24 Prill 2018, 16:37, Aktualitet CNA

CNA.al raportoi ditën e sotme se, Nazer Seiti, i njohur ndryshe si “financieri” i Habiljave, nuk do të dëshmonte për llogari të Pokurorisë së Katanias, ndërsa ky qëndrim i tij vjen pas takimit me familjarët në Itali.

CNA.al, mësoi se, procesi i marrjes në pyetje i kërkuar nga avokati italian do të shtyhet. Sot në mesditë Seiti është zhvendosur në Romë, ku pritej të firmoste një ?deal? me prokurorinë italiane për hetimet ndaj grupit Habilaj, pjesë e së cilës është edhe ai. Shkaqet, se përse njeriu i konsideruar si truri i organizatës është vënë në dilema për të rrëfyer gjithçka ai di për trafikun e drogës nga Shqipëria drejt Italisë, nuk dihen, por burime të sigurta bëjnë të ditur se në Romë kanë mbërritur familjarët e tij.

Por edhe mediet italiane kanë raportuar sot se Nazer Seiti nuk do të bashkëpunojë me drejtësinë.

?MeridioNews? i ka kushtuar sot një artikull kësaj çështje dhe citon avokatin mbrojtës, i cili thotë se klienti i tij nuk ia ka shprehur asnjëherë dëshirën për të qënë bashkëpunëtor i drejtësisë. Ndërsa sot flitej për një dëshmi të tijën rreth orës 14:00 në Prokurorinë e Catanias, mediat italiane e mohojnë dhe thonë se një gjë e tillë pritet në ndodhë në javët që vijnë.

Në shkrimin e MeridioNews, të sjellë të plotë në shqip nga Balkanweb thuhet:

“Bashkëpunoi apo jo? Protagonist këtë herë është Nazer Seiti, 41 vjeç, i ekstraduar nga vendi i Ballkanit në fillim të vitit 2018, pasi u arrestua në mesin e tetorit të vitit të kaluar nga policia shqiptare.

Sipas të dhënave të pakonfirmuara, njeriu në fjalë sot duhet të ishte takuar me gjyqtarët e prokurorisë së Katanias. Të njejtët gjyqtarë që bashkë me forcat ?Gico? të Guardia di Finanza kanë hetuar prej vitesh për bandën e krijuar nga vëllezërit Florian dhe Moisi Habilaj. Emra këta pak të njohur në Itali, por që në Shqipëri, pas arrestimit të tyre, dhanë të dhëna të mjaftueshme për një krizë qeveritare për shkak të lidhjeve farefisnore me ish-ministrin e Brendshëm, Saimir Tahiri. Politikani në fjalë, i cituar në disa përgjime telefonike dhe mjedisore, përfundoi nën hetim me një mandat të Prokurorisë së Krimeve të Rënda në Tiranë.

Seiti, i konsideruar nga hetuesit si financieri i grupit, sipas të dhënave të mbledhura nga ?MeridioNews?, momentalisht mbahet në Romë, në burgun e Rebibbia. Nuk është transferuar në Catania, siç zbuloi nëpërmjet një postimi në Facebook edhe gazetari Basir Collaku, lajm i përhapur më pas edhe në mediat vendase. Për Seitin, si dhe për të dyshuarit e tjerë, prokuroria ka mbyllur dosjen e hetimeve dhe së shpejti Habilaj dhe partnerët, duke përfshirë disa grosistë italianë të cilët operonin në Catania, do të dalin në gjyq.

Seanca e parë dëgjimore ka shumë gjasa të zhvillohet brenda pak javësh edhe pse data nuk është caktuar zyrtarisht.

Policët shqiptarë e arrestuan Nezer Seitin gjatë një operacioni antidrogë në Babicë të Vlorës. Procedurat për ekstradimin e tij nuk ishin të thjeshta, madje u shoqëruan me shumë polemika politike. Në ballë të tyre u vu Partia Demokratike, kritike ndaj qeverisë së kryeministrit Edi Rama. Sipas PD-së, ministrja e Drejtësisë, Etilda Gjonaj kishte dhënë dritën e gjelbër për transferimin në Itali të Seitit për të shmangur përfshirjen në dosjen e Prokurorisë së Tiranës.
Seanca e sotme gjyqësore, e planifikuar të niste në orën 14:00 u mohua nga avokati mbrojtës Maurizio Catalano për MeridioNews.

Sakaq homologu i tij shqiptar Detar Hysi është shprehur se: ?Seiti nuk ka shprehur ndonjë dëshirë për t?u penduar,? shpjegon avokati.” /CNA.al

Ekskluzive: I kërcënojnë familjen/ Dështon seanca e Nazer Seitit në Itali





Lajmet e fundit nga