web counter
LEXO PA REKLAMA!

SHKARKO APP

App Store
Google Play

E fundit!

x

Bregu flet pas zgjedhjes në institucionin e BE-së/ "Ku u zgjodh dhe çfarë do të drejtoj"

24 Prill 2018, 14:20, Aktualitet CNA

Ish-ministrja e Integrimit në qeverinë Berisha, Majlinda Bregu, zgjidhet në postin e sekretarit të Përgjithshëm të Këshillit të Bashkëpunimit Rajonal për Ballkanin.

Në një prononcim për “Top Channel”, Bregu ka thënë se posti në të cilin tashmë është zgjedhur është institucioni më i rëndësishëm i BE-së, për të gjithë pjesën e Evropës-JugLindore.

?Sidomos pas procesit të Berlinit dhe pjesës së caktimit të detyrimeve kryesore, kthimit të vëmendjes tek rajoni i Ballkanit Perëndimor dhe njëkohësisht shtimi i bashkëpunimit ekonomik dhe social, por edhe i dialogut dhe ruajtjes së stabilitetit në të gjithë vendet e Europës Jug-lindore, e bëjnë që të jetë institucioni më i rëndësishëm i BE-së për të gjithë pjesën e Europës-Juglindore. Ky është vetëm një nga ato intregat e Tiranës që kam dëgjuar përgjatë gjithë kësaj kohe të investimit tim politik”, është shprehur Majlinda Bregu.

Bregu ka treguar se për të fituar postin e sekretarit të Përgjithshëm të Këshillit të Bashkëpunimit Rajonal, votohesh nga vendi yt dhe kjo ka qenë arsyeja e falenderimit, dedikuar ministrit të Jashtëm, Ditmir Bushati.

“Është një pozicion në të cilin nuk emërohesh, por zgjidhesh, pra votohesh. I takon vendit që të vendos nëse të mbështet apo nuk të mbështet në këtë procedurë, ndaj e kam falenderuar këtë dje edhe miqësisht ministrin Bushati”.

Së fundmi Bregu është shprehur se kanë qenë miq e kolegë të forcës së saj politike që e kanë uruar dhe përshëndetur këtë fitore të saj. /CNA.al





Lajmet e fundit nga