web counter
LEXO PA REKLAMA!

SHKARKO APP

App Store
Google Play

Kolegët zbulojnë arsyen e mundshme të vetëvrasjes së policit në Fier

24 Prill 2018, 14:06, Aktualitet CNA

Policia e Fierit është tronditur ditën e sotme nga një vetëvrasje e efektivit të saj në ambientet e fjetores.

Burime të televizionit ABC News, pranë Policisë së Fierit, janë shprehur se Kastriot Fafa, i cili u vetëvra me armën e shërbimit mëngjesin e kësaj të marte, prej një jave ishte në panik nga procesi i vettingut, gjë që nëse do të rezultojë e vërtetë në përfundim të hetimeve, njëherësh do të ishte edhe viktima e parë e vettingut.

Sipas kolegëve të Fafë, ai e ka shprehur dyshimet dhe ka treguar se ku mund të goditej gjatë verifikimit të punës, nga Vettingu. Sipas këtyre burimeve mësohet se 46-vjeçari i cili më parë kishte punuar inspektor zone dhe i trembej dy firmave të dyshimta të hedhura për pajisje me pasaportë.

Megjithatë grupi hetimor ende nuk ka dalë zyrtarisht për shkakun e vetëvrasjes së Fafës prej kohësh punonjës i policisë, i cili dhjetë ditë më parë nga inspketor zone ishte caktuar punonjës policie në patrullën e shërbimit.

Fafa është vetëqëlluar me puthitje në gjoks, në zemër dhe për këtë arsye nuk u dëgjua zhurma e të shtënës. Kolegët donin të hynin në dhomën ku gjendej Kastrioti, por dera ishte e mbyllur nga brenda.

I kanë thirrur nga dritarja, por kur panë se nuk reagonte thyen derën dhe e gjetën të vrarë. 46-vjeçari kishte hequr këpucët, ishte shtrirë dhe kishte qëlluar me puthitje veten në kraharor, pranë zemrës. /CNA.al





Lajmet e fundit nga