web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive: I kërcënojnë familjen/ Dështon seanca e Nazer Seitit në Itali

24 Prill 2018, 11:03, Aktualitet CNA

Nazer Seiti nuk do të dëshmojë për llogari të prokurorisë së Katanias.

Procesi i marrjes në pyetje i kërkuar nga avokati italian do të shtyhet. Sot në mesditë Seiti është zhvendosur në Romë, ku pritej të firmoste një ?deal? me prokurorinë italiane për hetimet ndaj grupit Habilaj, pjesë e së cilës është edhe ai.

Nuk dihen shkaqet, se përse njeriu i konsideruar si truri i organizatës është vënë në dilema për të rrëfyer gjithçka ai di për trafikun e drogës nga Shqipëria drejt Italisë, por burime të sigurta bëjnë të ditur se në Romë kanë mbërritur familjarët e tij.

Në këto momente ai është duke mbajtur një takim me bashkëshorten dhe fëmijët, por mësojmë se familjarë të tij kanë mbërritur në Romë, dje, pas lajmit se ai do të pranonte të bashkëpunonte.

Të kontaktuar në telefon ata nuk pranojnë te deklarojnë arsyet, por ajo që lihet të kuptohet në rastin Seiti është frika për të dëshmuar.

Prokuroria italiane ka siguruar prova të mjaftueshme në lidhje me rolin e tij në trafikimin e qindra-mijëra tonelatash kokainë dhe hashash, jo vetëm nëpërmjet rrugëve detare dhe tokësore, por edhe atyre ajrore.

Janë dhjetëra raste kur tonelata drogë kanë kaluar ilegalisht nëpërmjet aeroportit të Rinasit me avion privat.

E nëse Seiti pranon të deklarojë këto fakte përgjegjësia nuk mbetet vetëm në rrethin shoqëror të Habilajve. Drejtues të lartë të kupolës së Policisë, si dhe ata të disa prej komisariateve më të rëndësishme në Jug të vendit, përfshihen drejtëpërdrejt si bashkëpunëtorë.

Një gjë është fakt, proceci hetimor ndaj tij do të drejtohet tashmë nga drejtësia italiane. Nëse ai do të flas, familja e tij do të vihet në rrezik. Hetimet në Shqipëri që pas ekstradimit të tij të beftë, stopuan.

E vërteta është disa kilometra larg dhe nëse do të bëhet drejtësi në emër të saj, Seiti duhet të flas për të mësuar mbi të vërtetën, por duhet të heshtë për të shpëtuar familjen e tij.

Zbardhet skema, se si Nazer Seiti trafikonte lëndë narkotike

Në dëshminë e tij dhënë pas arrestimit në Vlorë, Nazer Seiti, rrëfeu diçka në lidhje me mënyrën se si operonte në trafikun e narkotikëve.

Ai shfrytëzonte portet e Malit të Zi dhe Greqisë, ku pasi fiksonte atë më të shpejtin dhe të duhurin, paguante njerëz të cilët e vidhnin dhe ja transportonin në Vlorë, të gatshëm për rrugën e radhës.

Por, ka dhe dëshmi të cilat janë dhënë prej tij, përpara oficerit të policisë gjyqësore, që mbeten për t?u verifikuar tashmë nga hetimet e prokurorëve italian. Nazer Seiti është çelësi i dosjes Habilaj dhe dëshmia e tij pritet të zbardh një nga skemat më të mëdha të përfshirjes së zyrtarëve të lartë të policisë në trafikun ndërkombëtar të drogës./CNA.al

 





Lajmet e fundit nga