web counter
LEXO PA REKLAMA!

SHKARKO APP

App Store
Google Play

E fundit!

x

Gjermania kundër integrimit të Shqipërisë në BE?/ Basha tregon si qëndron e vërteta

18 Prill 2018, 13:16, Politikë CNA

Kryetari i PD, Lulzim Basha në një bashkëbisedim me gazetarët sot ka folur në lidhje me rekomandimin e KE për hapjen e negociatave me Shqipërinë dhe vizitën e tij në Berlin.

Basha tha se deklaratat e Ramës se Gjermania nuk është një ndër vendet skeptike për hapjen e negociatave është një mashtrim i radhës.

Duke u ndalur tek skepticizmi i gjermanëve, kryeopozitari Basha tha se ata e njohin realitetin shqiptar, sidomos situatën e lidhur me krimin, drogën dhe korrupsionin.

?Për hapjen e negociatave ka 5 kushte, Gjermania ka 5+ 2 shtatë të tilla. Pata një seri takimesh në Bundestag me anëtarë të partisë e CDU/CSU, ku kërkova hapjen e negociatave. Hasëm në skepticizëm. Pyetja e parë që mu bë është pse po e kërkojmë? Më thanë që banditët janë në arrati, por edhe figura të larta si Saimir Tahiri. Gjermania është e mirë infomuar, i dinë të gjitha. Dinë që ai s?po arrestohet, ashtu si dy shefat e lartë të policisë që ia mbathën. Shqipëria renditet në 11 vendet më të korruptuara. Pavarësisht kësaj ne thamë se sa më shumë të vijojë integrimi, aq më shumë presion do ketë mbi qeverinë?- u shpreh Basha.

Po ashtu, Basha tha se “Ajo që mu tha mua i është thënë pak kohë më parë edhe ministrit të Jashtëm të Ramës. Ministrit të Jashtëm i është thënë në sy në Gjermani se nuk janë plotësuar kriteret.?

Gjithashtu ai tha se fshehja e se vërtetës nuk i shërben askujt. Sipas tij, opozita vetëm përfiton nga integrimi i Shqipërisë. ?Opozita vetëm përfiton duke pasur Europën në krah. Opozita ka Europën aleate?-u shpreh Basha.

Ndër të tjera, Basha theksoi se dështimet janë dyfish përgjegjësi e Ramës, i cili nuk ka lënë pushtet pa kapur, përfshirë drejtësinë.

?Tani është koha që Rama të marrë përgjegjësi dhe jo të fshihet pas fishekzjarrëve?- tha kreu i PD, Lulzim Basha./ CNA.al





Lajmet e fundit nga