web counter
LEXO PA REKLAMA!

SHKARKO APP

App Store
Google Play

“Bashkë si një skuadër kuqezi”/ Kryemadhi i përgjigjet Ramës

18 Prill 2018, 11:58, Politikë CNA

Ka përfunduar takimi i liderëve të opozitës shqiptare me Federika Mogherinin në selinë e misionit të BE në Tiranë.

Në një prononcim për mediat, kryetarja e LSI, Monika Kryemadhi, bëri të ditur se i kanë kërkuar zonjës Mogherini të ndërhyjë pranë kryeministrit Edi Rama të lirojë kuksianët e arrestuar që protestuan në Rrugën e Kombit.

?Opozita ka sakrifikuar më shumë nga vetja për ti dhënë mundësi shqiptarëve. Opozita është e hapur dhe gjithmonë ka qënë prezente.  Të rëndësishme janë detyrat që i janë lënë qeverisë shqiptare. Do ta lexojmë më vëmendje raportin e KE.?-u shpreh Kryemadhi.

Kryemadhi i bëri apel Ramës të largohet nga arroganca dhe manipulimi. Ajo tha se opozita ka kaluar çdo limit të bashkëpunimit me kryeministrin, por se ai është sipas saj i vetmi person që nuk ka më ngjyrat kuqezi.

?Kryeministri në fakt duhet të largohet nga arroganca e tij dhe manipulimi që po bën çdo ditë e më shumë sepse kërkon të mbulojë kapjen e tij nga krimi i organizuar. Opozita ka kaluar çdo limit të bashkëpunimit të saj me zotin Rama. Duke filluar që me prezencën në parlament, duke i dhënë mundësitë zotit Rama për të reflektuar por i vetmi njeri që nuk ka më ngjyrat kuqezi është Edi Rama.?- tha Kryemadhi./ CNA.al





Lajmet e fundit nga