web counter
LEXO PA REKLAMA!

SHKARKO APP

App Store
Google Play

Rekomandimi i KE/ Përfundon takimi i Mogherinit me Metën

18 Prill 2018, 09:19, Politikë CNA

Përfaqësuesja e lartë e BE-së, Federica Mogherini paraditen e sotme ka zhvilluar një takim me presidentin Ilir Meta në ambientet e presidencës.

Takimi ka zgjatur rreth 30 minuta dhe pas përfundimit, Mogherini ka përshkruar në këmbë rrugën nga Presidenca për në kryeministri, ku më pas është takuar me Ramën.

Një ditë pasi Shqipëria mori rekomandimin pozitiv për hapjen e negociatave me BE për anëtarësimin, shefja për Politikë të Jashtme, Federika Mogherini pritet të zhvillojë paraditen e sotme disa takime me disa nga liderët politikë shqiptarë në Tirane.

Kryediplomatja europiane ka darkuar mbrëmë me kryeministrin Edi Rama, ndërsa sot do të zhvillojë takimet.

Në orën 09:30 Mogherini ka zhvilluar takimin me presidentin Meta. Ndërsa më pas në orën 10:15 do të mbahet takimi zyrtar 1 orësh, Mogherini-Rama në orën 11:15, e më pas do ketë edhe një konferencë për shtyp.

Në orën 12:00 do të mbahet edhe takimi i Mogherinit me përfaqësues të opozitës, ku Basha nuk merr pjese pasi ndodhet ne Berlin. Në takimin me Mogherinin do jetë të pranishëm Edi Paloka, Monika Kryemadhi, Tritan Shehu dhe Klajda Gjosha.





Lajmet e fundit nga