web counter
LEXO PA REKLAMA!

SHKARKO APP

App Store
Google Play

E fundit!

x

Rekomandimi/ Xhafaj: Është koha për më shumë punë dhe modesti

17 Prill 2018, 18:59, Aktualitet CNA

Pas rekomandimit nga Komisioni Europian për çeljen e negociatave për anëtarësim në BE me vendin tonë, ka reaguar edhe ministri i Brendshëm, Fatmir Xhafaj.

Me anë të një postimi në rrjetet sociale, ai shprehet se, “Historia e vendit tonë do të rezervojë një vend të rëndësishëm për rekomandimin që KE bëri sot për hapjen pa kushte të negociatave për anëtarësim të Shqipërisë në BE ! Faleminderit miqve dhe partnerëve tanë!”

Më tej ai shton, “Vlerësim dhe mirënjohje më të madhe për të gjithë ata që me punën dhe përpjekjet e tyre kontribuan për këtë proces historik nuk mundet të ketë”.

Sipas ministrit Xhafaj, “Ky akt është shtysa më e mirë për të vazhduar në këtë rrugë : Progres në zbatimin e Reformës në Drejtësi, garantimin e rendit dhe forcimin e sigurisë publike. Faleminderit të gjithë atyre që kanë kontribuar me përkushtim dhe modesti në këto sfida të vështira”.

Në përfundim të reagimit të tij ai vlerëson: “Ne do t?ia dalim të ecim më shpejt në këtë proces. Është koha për të treguar më shumë modesti e përgjegjësi, më pak fjalë dhe më shumë punë!” /CNA.al





Lajmet e fundit nga