Topalli: PD është marrë peng. Basha ua bëri sërish me hile demokratëve

17 Prill 2018, 16:08, Aktualitet CNA

Ish-kryetarja e Kuvendit të Shqipërisë, njëherësh ish-nënkryetare e Partisë Demokratike, Jozefina Topalli, ka sulmuar sërish kryetarin e PD-së, Lulzim Basha, për të cilin ajo shprehet se e ka marrë peng partinë.

Në një intervistë të dhënë për televizionin Klan, topalli shprehet se Lulzim Basha e ka kthyer Partinë Demokratike në një biznes familjar dhe për të është e rëndësishme vetëm karrigia e vet, ndonëse demokratët kalojnë nga humbja në humbje. Për këtë Topalli shprehet se Lulzim Basha nuk ka vendosur asnjë nen në ndryshimet e reja statutore lidhur me dorëheqjen e kryetarit në rast të humbjes së zgjedhjeve.

“Jam e kthjellët për qëllimin që Basha ka prej vitesh. S?më bën përshtypje që ai s?vë asnjë nen që do japë dorëheqjen, ai përsëri do ngrihet dhe pse vjedh votat brenda shtëpisë, është dëshpëruese. Është ajo që kam thënë prej kohësh që PD e kanë marrë peng, s?ka rëndësi nëse humbet 1, 2, 3 apo 10 palë zgjedhje, pasi Basha e ka marrë PD si biznes familjar dhe asgjë nuk më zhgënjen.
Nuk më bën përshtypje fare që ai nuk vendos asnjë nen që kryetari duhet të japë dorëheqjen kur humb zgjedhjet. Ai përsëri do ngrihet, përsëri do e ketë fajin qeveria, pavarësisht se ai në fakt vjedh votat brenda shtëpisë së tij.
Është e rëndësishme që Luli të mbajë karrigen, të tjerat s?kanë rëndësi. Është e rëndë që PD që ka lindur si forca për votën e lirë s?ka zgjedhje, vota e proces të drejtë dhe kur vendi po rrëshqet buzë greminës dhe dikush do të mbrojë karrigen e Lulit?, – është shprehur Topalli.

Sipas Jozefina Topallit, i vetmi shkaktar për humbjet e PD-së është Lulzim Basha, dhe me lëvizjen e fundit me ndryshimet statutore, ishte një hile e radhës ndaj demokratëve.

“Kjo është t?ia bësh me hile demokratëve sërish sikur fajin e paska statuti. Kush është ai qytetar që beson se kjo situatë degraduese e dëshpëruese vjen për shkak të statutit. Statuti i PD ka pas të garantuar çdo mekanizëm për çdo anëtar të jetë i lirë. Çdo gjë tjetër është fasadë e re dhe antistatutore?, – shprehet Topalli. /CNA.al