web counter
LEXO PA REKLAMA!

SHKARKO APP

App Store
Google Play

Gjendja e BE-së/ Bregu: Nëse themeluesit e Evropës do të shihnin ç'bëhet sot, do të iknin me vrap

17 Prill 2018, 14:06, Aktualitet CNA

Ish-ministrja e Integrimit, Majlinda Bregu, ishte e ftuar mëngjesin e sotëm në studion e emisionit “Wake Up” në televizionin Top Channel, ku ka folur lidhur me hapjen e negociatave me Bashkimin Evropian.

Ajo u shpreh se vendi ynë ka pritur për këtë momentum për 600 vite, kjo sepse për 500 vite Shqipëria ishte e shkëputur nga rrënjët e saj tradicionale.

Duke iu përgjigjur pyetjes: “A ka një dëshirë reale nga BE, që këto vende të rajonit të bëhen pjesë e BE?”, ish-ministrja e Integrimit Majlinda Bregu tha: “Sot në rast se ata të cilët themeluan Europën, do të shihnin se çfarë ndodh sot me BE-në, të parët të cilët do të merrnin vrapin dhe do të iknin nga dhoma ku zhvillohen takimet do të ishin ata vetë, sepse burokracia e ka rënduar kaq shumë një proces i cili nisi si një proces pasioni politik duke e kthyer atë në një proces teknikalitetesh. Integrimi është bërë një proces gati peng i matricave dhe teknikaliteteve. Ndërkohë Bashkimi Evropian ka nevojën urgjente sot, e ka prej kohësh por po themi sot, sepse kemi kohën të zgjohemi, sepse sot bota po rend. Ju e shihni se çfarë po ndodh çdo ditë, dhe Shqipëria nuk është më një vend i izoluar, ku nuk i intereson se çfarë bën Trump në Amerikë, çfarë ndodh me Sirinë, kush merr pjesë në bombardim, çfarë ndodh me Iranin, çfarë ndodh me Rusinë. Sot bota po formulohet në formë kontinentesh, dhe patjetër Europa duhet të ketë një qasje tjetër, të ketë një politikë të jashtme shumë të qartë, të ketë një politikë të brendshme të kohezionit shumë të mirë, keni Brexit nga ana tjetër. Ka një rrëmujë kaq të madhe sa ata vetë të parët nuk janë të qartë.” /CNA.al





Lajmet e fundit nga