web counter
LEXO PA REKLAMA!

SHKARKO APP

App Store
Google Play

Video-Lumë droge drejt Italisë/ Në pranga 7 persona

17 Prill 2018, 08:24, Aktualitet CNA

Shtatë persona të akuzuar për trafik kokaine nga Shqipëria drejt Italisë janë vënë në pranga në kuadër të një operacioni antidrogë të zhvilluar nga Guardia di Finanzia në bashkëpunim me policinë shqiptare.

Mësohet se në kuadër të këtij operacioni 5 shtetas janë arrestuar në Itali, ndërsa dy të tjerë në Shqipëri.

Mësohet se banda merrej me trafikun e drogës mes Shqipërisë-Italisë dhe Belgjikës.
Në pranga janë vënë 7 persona; shqiptarët Aleks Boci 38 vjeç, Florian Prendi 31 vjeç, Edmir Hatijia 41 vjeç, Elidon Shpërdhjea 38 vjeç si dhe 3 shtetas italianë.

Sipas mediave, kreu i bandës ishte shqiptari Aleks Boci i cili me ndihmën e disa shqiptarëve rezidentë në Belgjikë organizonte trafikun e drogës nga Amerika e Jugut në veri të Europës e më pas në Romë.

Kokaina trafikohej përmes portit të Anversës dhe pasi mbërrinte në Romë, lënda narkotike administrohej nga dy trafikantët italianë Claudio Cesarini e Daniele Ferri.

Hetimet kanë dokumentuar rreth 160 kg kokainë të trafikuar në 8 rrugë importimi të saj nga Amerika e Jugut e vetëm 9 kg prej tyre janë mundur të sekuestrohen.

Hetimet kanë dokumentuar gjithashtu një përftimi prej 1 milionë e 600 mijë euro të kësaj organizate kriminale, prej të cilave janë vënë nën sekuestrim rreth 430 mijë euro.

Sipas hetimeve të investigatorëve italianë, një sasi e drogës ishte e destinuar për bosin mafioz të Ndraghetas Davide Perronace.





Lajmet e fundit nga