web counter
LEXO PA REKLAMA!

SHKARKO APP

App Store
Google Play

E fundit!

x

Reagon gazeta "Çelësi": Na dhunuan, të zbardhet ngjarja!

16 Prill 2018, 18:04, Aktualitet CNA

CNA.al raportoi sot një sherr të ndodhur në afërsi të vendit të njohur si “Kthesa e Kamzës” në kryeqytet, ku stafi i gazetës “Çelësi” shihet duke u konfliktuar me disa persona të tjerë, mes të cilëve nuk kurseheshin as grushtet.

Pas këtij lajmi, ka reaguar edhe gazeta “Çelësi”, e cila sqaron se stafi i saj është ndjekur me makinë nga disa persona, e më pas janë nxjerrë nga makina me forcë dhe janë qëlluar. Sipas tyre, nuk janë pjesëtarët e stafit të gazetës ata që kanë sulmuar, por kanë rënë pre e sulmit, e për këtë është bërë edhe një kallëzim në polici.

Dy prej pjesëtarëve të stafit të gazetës “Çelësi” thuhet se kanë marrë plagë e për këtë janë mjekuar në Spitalin Ushtarak.

“Punonjësit e Çelësit, pas një incidenti të rëndomtë në trafik, janë ndjekur nga një mjet me disa persona, janë detyruar të ndalojnë, janë nxjerrë me forcë nga mjeti dhe janë goditur dhe dhunuar. 2 prej punonjësve tanë janë lënduar dhe janë dërguar pranë urgjencës së Spitalit Ushtarak. Bashkangjitur keni edhe vendimet për kryerjen e eksperitmeve mjeko-ligjore.

Ndaj dhunuesve është bërë kallzim pranë Komisariatit Nr. 6 dhe ata janë shpallur në kërkim.

Ju falenderojmë për qasjen e hapur dhe të bashkëpunimit.”, – thuhet në reagimin e “Çelësi Media Group”. /CNA.al

Video ekskluzive/ Stafi i gazetës Çelësi grushte dhe rrahje në rrugë





Lajmet e fundit nga