web counter
LEXO PA REKLAMA!

SHKARKO APP

App Store
Google Play

E fundit!

x

Goditet rrjeti i prostitucionit në Greqi, 8 shqiptarë të arrestuar

16 Prill 2018, 18:22, Aktualitet CNA

Sikurse bëjnë të ditur mediat greke Policia helene ka goditur një rrjet shqiptar të shfrytëzimit të prostitucionit. Tetë shqiptarë kanë rënë në prangat e policisë së Athinës, të cilët shfrytëzonin për prostitucion vajza të huaja, kryesisht nga Bjellorusia. Kontijenti i tyre i përkiste te huajave të cilat kërkonin azil në Greqi.

Të arrestuarit janë të moshës nga 25 deri në 68 vjeç. Ata detyronin vajzat që të punonin 15-16 orë në ditë, secila me rreth 40 klientë, raprtojnë mediat athinjote.

Sipas të dhënave të policisë greke, të cituara nga mediat: pagesa ishte 20 Euro për çdo vajzë dhe të ardhurat në ditë llogariteshin në rreth 800 Euro, ndërsa fitimet në total për 24 orë, nga shfrytëzimi i të gjitha vajzave varionin 8-12 mijë Euro. Hetimet nisën pasi dy prej vajzave u arratisën dhe denoncuan grupin e shqiptarëve.

Sipas departamentit të Krimit të Organizuar në Policinë Greke, njëra prej vajzave bjelloruse ishte shtatzënë kur kishte mbërritur në Greqi.

Shqiptarët, pjesë e rrjetit të prostitucionit, i kishin porositur vajzat që të deklaronin gjatë intervistave për azil se ishin shtatzënë, në mënyrë që të vonohej qëndrimi i tyre në shtetin grek.





Lajmet e fundit nga