web counter
LEXO PA REKLAMA!

SHKARKO APP

App Store
Google Play

FOTO - Shi dhe stuhi/ Rrugë të bllokuara, të paktën 3 aksidente

16 Prill 2018, 19:01, Aktualitet CNA

Reshjet e shiut që kanë filluar të bien këtë pasdite, kanë sjellë problemet e para.

Aksi Tiranë-Elbasan, në zonën e Ibës, ka probleme të shumta, ku si pasojë e shiut dhe stuhisë, rruga është bërë thuajse e pakalueshme, në dalje të tunelit në drejtim të Tiranës.

Përrenjtë kanë dalë në rrugë dhe kanë shkaktuar kaos në trafik si dhe të paktën 3 aksidente. Për të vënë situatën nën kontroll dhe për të ndihmuar në qarkullimin e automjeteve mësohet se në këtë pjesë të rrugës, ndodhet vetëm një automjet i policisë dhe një karoatrec.

Situata kritike ndodhet në afërsi të Kafes së Xhafës, ku përrenjtë kanë dalë në rrugë. Ndoshta ka qenë ndërtimi i aksit të ri Tiranë-Elbasan që ka ndikuar shumë në këtë situatë të krijuar, por ajo që mund të themi është se si shkak i daljes së lumenjve, të cilët kanë sjellë inerte të shumta me vete, rruga është ngushtuar shumë duke u bërë një rrezik për qytetarët që do të udhëtojnë apo po udhëtojnë nga Elbasani drejt Tiranës dhe e anasjellta.

CNA.al, u bën thirrje të gjithë qytetarëve që do të udhëtojnë në këtë aks të kenë kujdes të shtuar, pasi situata është mjaft kritike.

Në adresë të redaksisë sonë kanë mbërritur edhe disa foto që tregojnë situatën kritike në të cilët ndodhet ky aks në në zonën e Ibës, në dalje të tunelit Elbasan-Tiranë. /CNA.al





Lajmet e fundit nga