E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Ekskluzive-Vangjush Dako nën hetime/ Kryeprokurori zbardh rastin

17 Prill 2018, 07:44, Aktualitet CNA

Kryetari i Bashkisë së Durrësit, Vangjush Dako, pritet që të arrestohet së shpejti.

Ky është pretendimi i kreut të Opozitës, Lulzim Basha, i cili e ka shfaqur gjatë komandimit të Ferdinand Xhaferrit në krye të PD ?së, dega Durrës.

Emri i Dakos është lakuar edhe më herët si objekt hetimi nga organi i akuzës në Kosovë.

Pak kohë më parë u tha, se Vangjush Dako ka dalë krejt rastësisht në përgjimet që po kryente një prokuror në Kosovë.

Dako, u tha se kishte rënë në kurthin e prokurorisë, gjatë përgjimeve të një grupi trafikantësh kosovarë, të cilët transportonin drogë nga Kosova në drejtim të Durrësit.

Teksa u vunë nën përgjim edhe disa pjesëtarë të grupit kosovar që vinin në Durrës për lëndën narkotike, u evidentuan edhe telefonatat e dyshuara me kreun e Bashkisë së Durrësit, Vangjush Dako.

Përgjimet mendohet se janë zhvilluar në periudhën e zgjedhjeve, dhe personat me të cilët komunikonte Vangjush Dako dyshohet se janë përfshirë edhe në skema të blerjes së votave.

Në skenarin e përfolur thuhet se në lojë, u fut edhe EULEX-i, i cili kërkoi të merrte në ngarkim dosjen, pasi në të ishte përfshirë një zyrtar i lartë shqiptar.

Mirëpo, në një prononcim për CNA.al, misioni i EULEX ?i, mohoi të kishte dijeni për një çështje të tillë.

Pretendimin që Dako është nën hetime nga autoritetet e Kosovës e ka hedhur poshtë edhe Kryeprokurori i Shtetit Aleksandër Lumezi.

I kontaktuar nga CNA.al, Lumezi ka thënë se nuk kanë të dyshuar, të identifikuar me emrin Vangjush Dako.

?Z.Dako nuk është i identifikuar si i dyshuar në regjistrin e PSRK (Prokurorisë Speciale të Kosovës). Sa i përket ndërmarrjes së ndonjë veprimi procedural nga autoritetet e Kosovës për nevojat e organeve ndjekëse në Shqipëri nuk kemi ndonjë informacion?, ka thënë kryeprokurori Aleksandër Lumezi.

Ndërkaq, Vangjush Dako pritet të kandidojë për të katërtën herë, në zgjedhjet vendore, për të udhëhequr Bashkinë e Durrësit./CNA.al