web counter
LEXO PA REKLAMA!

SHKARKO APP

App Store
Google Play

Bregu: Bisedimet më të frytshme janë ato të kafeneve. Ja shembulli

17 Prill 2018, 14:34, Aktualitet CNA

Ish-ministrja e Integrimit, Majlinda Bregu, ishte e ftuar në studion e emisionit të mëngjesit në Top Channel “Wake Up”, ku ka folur rreth historikut të themelimit të BE-së dhe asaj që ndodh gjatë negociatave.

Sipas Bregut, rezultatet më të frytshme janë ato që bëhen në mënyrë informale dhe në kafe të cilat sot janë shndërruar në dreka apo darka të gjata, e për këtë solli shembull nga themelimi i vetë Unionit.

“Në momentin që do të themelohej Evropa, kur u ngrit Komiteti i Çelikut dhe Qymyrit, pra kur Franca dhe Gjermani vendosën që të bashkoheshin për të shuar luftërat, Jean Mone, i cili u caktua për të krijuar dhe për të ndërtuar negociatat dhe kuadrin me të cilin do ë binin dakord, kishte një metodë shumë interesante që sot vazhdon të përmendet akoma, që quhej në Gjermanisht “kafe Klaç”. Do të thotë ai lloj thashethemi ose diskutimet që bëhen me kafen përpara, rreth kafes, jo publike, informale. Sot kafja mund të jetë bërë drekë apo darkë e gjatë. Vetëm pasi zgjatën dy javë këto negociatat me kafen përpara, mbylleshin në dhomë dhe Moneja nuk fliste, vetëm dëgjonte nga vendet e tjera çfarë propozonin. Vetëm pas dy javësh fillonte e fliste dhe jepte ndonjë ide të veten. E njëjta logjikë është kudo. Bisedimet më të mira dhe rezultatet më të mira arrihen në tryezat informale. Ajo që del në pah pastaj është pjesa vizive.”, – u shpreh Bregu. /CNA.al





Lajmet e fundit nga