web counter
LEXO PA REKLAMA!

SHKARKO APP

App Store
Google Play

Rekomandimi për çeljen e negociatave/ Rama falënderon qeverinë Berisha

17 Prill 2018, 15:18, Aktualitet CNA

Kryeministri Edi Rama, ka dalë në një konferencë për shtyp, pas rekomandimit pozitiv të Komisionit Evropian, për çeljen e negociatave me Shqipërinë dhe Maqedoninë.

Ai u shpreh para medieve se ndihej i emocionuar me këtë rast, dhe se kjo gjë mund të kuptohej edhe nga frymëmarrja e tij, ndërsa tha se stacioni i radhës për Shqipërinë, është integrimin BE.

“Jam i emocionuar, ata që merren me frymëmarrjen mbase e ndjejnë. Stacioni i radhës është anëtarësimi në BE. Jam i emocionuar, sepse sot Shqipëria ka marrë vlerësimin më të madh në thuajse një 30-vjeçar.”, – tha Rama.

Por kryeministri Edi Rama nuk la pa falënderuar as qeverinë paraardhëse, të ish-Kryeministrit Berisha, ku tha:

“Respekt e mirënjohje për të gjithë ata që përpara nesh kush më shumë e kush më pak, dhanë një dorë, por jam njëkohësisht shumë krenar sot, se përmes mundimesh e reformash të guximshme, dhe momentesh të vështira, ku kemi rrezikuar jo pak, ia kemi dalë. Ia kemi dal në dy arritje të mëdha. Në vitin e parë të mandatit tonë të parë ne e bëmë Shqipërinë vend kandidat, në vitin e parë të mandatit të dytë ne e bëmë vendin që të jetë i denjë për reagim tejet pozitiv për çeljen e negociatave.” /CNA.al





Lajmet e fundit nga