web counter
LEXO PA REKLAMA!

SHKARKO APP

App Store
Google Play

Revolta e deputetëve opozitarë/ Lubonja ngre alarmin

12 Prill 2018, 20:29, Aktualitet CNA

Analisti Fatos Lubonja, i ftuar në emisionin ?Studio e Hapur? në News24, teksa ka komentuar aktualitetin politik të ditës së sotme në seancën parlamentare, ku deputetë të opozitës, bllokuan foltoren e Kuvendit, ka thënë se kjo situatë e krijuar është një paralajmërim se na pret një situatë shpërthyese, ose do të ketë një autoritarizëm.

Lubonja është shprehur se forma e përdorur nga opozita ditën e sotme në shenjë revolte, është një ndër format më paqësore të protestave.

?Është ekzagjerim nëse përdorim fjalën e dhunuar, se vetëm pak miell, ujë u hodh. Janë forma paqësore, proteste që nuk dëmtojnë askënd. Aty e dëmshme është mungesa e dialogut. Këtu ka një problem më të thellë sepse opozita që ndërmori aksionin kërkoi lirimin e të arrestuarve të Kukësit, por ata të Kukësit nuk i liron Edi Rama.

Problemi këtu është drejtësia e jonë. Ne s?kemi drejtësi se po të kishim të gjithë këta do ishin në burg. Problemi është edhe prokuroria, mielli të hidhej për prokurorinë. Është problem, s?kemi drejtësi. Arta Marku është problem. Shoh një situatë shpërthyese ku ose do të ketë luftë, konfliktualitet të vazhdueshëm ose do kthehemi në autoritarizëm?.- u shpreh Lubonja. /CNA.al





Lajmet e fundit nga