E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

Përplasje në PS/ Rama presion ministrave

10 Prill 2018, 08:18, Aktualitet CNA

Në një kohë kur të gjithë ministrat dhe kryebashkiakët socialistë do të raportojnë përpara bazës për punën e kryer gjatë këtyre 6-muajve, kryeministri Edi Rama ka shtuar kontrollet ndaj këtyre të fundit.

Procesi i llogaridhënies do të nisë nga data 15 prill deri në datën 15 qershor, ndërsa në fokus do të jenë punësimet.

Pak ditë më parë u shënua një përplasje brenda PS në Shkodër, ku baza socialiste i kërkoi llogari ministrit të Jashtëm, Ditmir Bushati, i cili njëkohësisht është deputet në këtë zonë, se përse i mbajnë në punë militantët e LSI dhe PD ndërkohë që anëtarët e PS vijojnë të jenë papunë.

Por përveç kësaj, ministrat tani do të japin llogari nëse kanë qenë korrekt me ato pak punësime që kanë bërë.

Për t?u theksuar është fakti se skanerit për punësimet do t?i nënshtrohen pothuajse të gjithë ministritë, shkruan gazeta Sot.

Më konkretisht, janë 11 ministri që do të verifikohen për këtë çështje, të cilët vijojnë si më poshtë: Ministria e Financave dhe e Ekonomisë dhe institucionet e varësisë; Ministria e Turizmit dhe Mjedisit dhe institucionet e varësisë; Ministria e Shëndetësisë dhe Mbrojtjes Sociale dhe institucionet e varësisë; Ministria për Evropën dhe Punët e Jashtme; Ministria e Mbrojtjes; Ministria e Brendshme; Ministria e Infrastrukturës dhe Energjisë; Ministria e Arsimit, Sportit dhe Rinisë; Ministria e Drejtësisë; Ministria e Kulturës; Ministria e Bujqësisë dhe Zhvillimit Rural. Të gjitha këto ministri do të mbikëqyren gjatë gjithë vitit.

Bashkitë që do të japin llogari

Nga ana tjetër, llogari për rekrutimet në shërbimin civil do të japin edhe njësitë e qeverisjes vendore.

Më specifikisht, të gjitha bashkitë që do të përfshihen në këtë proces mbikëqyrës dhe monitorues janë të listuara si më poshtë:

Bashkia Fier (do të inspektohet gjatë 3-mujorit të parë dhe të dytë të vitit);

Bashkia Vau-Dejës dhe njësitë administrative përbërëse; Bashkia Kolonjë dhe njësitë administrative përbërëse;

Bashkia Tropojë dhe njësitë administrative përbërëse;

Bashkia Has dhe njësitë administrative përbërëse;

Bashkia Mirditë dhe njësitë administrative përbërëse;

Bashkia Selenicë dhe njësitë administrative përbërëse;

Bashkia Himarë dhe njësitë administrative përbërëse;

Bashkia Malësi e Madhe dhe njësitë administrative përbërëse; Bashkia Cërrik dhe njësitë administrative përbërëse.

Të gjitha këto bashki, përveç asaj të Fierit, do të mbikëqyren.

Ndërkohë, kontroll do të ketë edhe për institucione të pavarura, siç janë: Komisioni Qendror i Zgjedhjeve, Autoriteti i Konkurrencës dhe Autoriteti i Komunikimeve Elektronike dhe Postare.