web counter
LEXO PA REKLAMA!

SHKARKO APP

App Store
Google Play

Braktisja nga Këshilltarët/ Kryemadhi: Duan të rikthehen...

9 Prill 2018, 20:27, Aktualitet CNA

Kryetarja e Lëvizjes Socialiste për Integrim, Monika Kryemadhi, ka komentuar mbrëmjen e sotme largimin e anëtarëve të LSI nga në Këshillat Bashkiake drejt Partisë Socialiste.

E ftuar në studion e emisionit “5 pyetjet nga Babaramo”, Kryemadhi u shpreh se janë 20 këshilltarë që kanë shkuar drejt PS, por sipas saj edhe këta nuk janë të LSI-së, por të ardhur nga logot e partive të tjera. Ajo u shpreh se këto janë lëvizje qesharake.

Në vijim ajo theksoi se një gabim që bëjnë partitë është se nuk u kushtojnë shumë rëndësi këshilltarëve, që sipas saj janë lista që nuk marrin vëmendjen e duhur, e për këtë ajo u kërkoi falje votuesve të LSI.

Ndërsa duke u ndalur tek lëvizjet në Këshillin Bashkiak të Tiranës, Kryemadhi tha se dy nga të larguarit kërkojnë të kthehen prapë në LSI sepse janë gënjyer nga Veliaj.

Më tej ajo tha se, “Për çështjen e këshilltarëve Veliaj e ka marrë përgjigjen. Marrëdhënia e LSI është me qytetarët. Sot LSI nuk është më një parti e re, por një parti e konsoliduar”. /CNA.al





Lajmet e fundit nga