web counter
LEXO PA REKLAMA!

SHKARKO APP

App Store
Google Play

E fundit!

x

Deputetja e Kukësit tregon kush fshihej pas protestës së taksës për Rrugën e Kombit

9 Prill 2018, 19:47, Aktualitet CNA

“Mësimet dhe pësimet e Kukësit për maxhorancën” është tema që po diskutohet në emisionin “Tonight”, ku ndër të ftuarit e tjerë është edhe deputetja e vetme socialiste e këtij Qarku, Mimi Kodheli.

Në vlerësim të protestës që banorët e Kukësit organizuan për të kundërshtuar të ashtuthirrurën si: “Taksa e Rrugës së Kombit”, deputetja Kodheli tha se dhunën nuk e kanë bërë qytetarët e thjeshtë, por politikanë dhe njerëz me precedentë penalë.

“Ata që e organizuan dhunën nuk janë njerëz të dëshpëruar që kemi parë në pamjet filmike, por janë disa të tjerë që kanë hedhur gurin dhe kanë fshehur dorën. Nëse kjo është e vërtetë, këtu ka një problem që i tejkalon problemet e tarifës, e tejkalon këtë ngjarje të dhunës, ka një problem që lidhet me destabilizimin e vendit. Më shqetëson tarifa për qytetarët e Kukësit, e cila absolutisht duhet të rishikohet nga qeveria, për të gjithë ata që kthehen nga kullota për në shtëpinë e tyre në darkë. Të shikohet shumë më thellë ky element që synonte të destabilizonte. Këta elementë kanë qenë politikanë dhe njerëz me precedentë penalë”, ka qenë vlerësimi i deputetes Mimi Kodheli. /CNA.al 





Lajmet e fundit nga