web counter
LEXO PA REKLAMA!

SHKARKO APP

App Store
Google Play

E fundit!

x

I dërgonte foto nudo 20-vjeçares/ Reagon Partia Socialiste

9 Prill 2018, 20:39, Aktualitet CNA

Pas denoncimit të publikuar nga ish-kryeministrit Sali Berisha, pasi një 20-vjeçare nga Shkodra akuzonte publikisht një ish-punonjës policie dhe sipas saj anëtar të PS-së, se e përndiqte dhe i dërgonte foto nudo, ka reaguar Partia Socialiste Shkodër.

Në një postim në rrjetet sociale, dega e PS-së në Shkodër deklaroi se distancoheshin nga ngjarja e shëmtuar dhe denigruese, ndërsa bëjnë me dije se ish-polici Bajram Qarri nuk mban asnjë funksion të asnjë niveli në strukturat e selisë rozë.

REAGIMI I PS NË SHKODËR

Të nderuar qytetarë të qytetit të Shkodrës dhe ju anëtarë dhe simpatizantë të Partisë Socialiste!

Nisur nga denoncimi që u bë publik pak më herët në rrjetet sociale, rreth shtetasit B.Q. për kanosje dhe postime të pamjeve të pahijshme ndaj një 20-vjeçareje nga Shkodra, shprehim distancimin tonë të prerë ndaj një fenomeni të tillë të shëmtuar dhe denigrues.

Njëkohësisht dëshirojmë të sqarojmë opinionin publik që shtetasi B.Q. nuk mban asnjë funksion të asnjë niveli në strukturat e Partisë Socialiste Shkodër.

Partia Socialiste Shkodër, distancohet jo vetëm nga ky gjest i shëmtuar, por njëkohësisht edhe nga çdo aludim që qytetarja ngre rreth ndërhyrjes së strukturave apo funksionarëve partiakë në punën e institucioneve shtetërore. /CNA.al





Lajmet e fundit nga