web counter
LEXO PA REKLAMA!

SHKARKO APP

App Store
Google Play

Rrëzimi i qeverisë Haradinaj/ LDK-VV në garë për nisjen e aksionit politik

9 Prill 2018, 16:30, Aktualitet CNA

Sikurse ka paralajmëruar, partia më e madhe e opozitës kosovare, Lidhja Demokratike e Kosovës (LDK), këtë javë do t?i fillojë procedurat për rrëzimin e qeverisë ?Haradinaj?.

Zyrtarët e kësaj partie kanë konfirmuar për gazetën ?Zëri? se në ditët në vijim do të fillojnë iniciativën zyrtare për ngritjen e mocionit ndaj Qeverisë. Zyrtarët e ?VetëVendosjes? thonë se nuk do ta mbështesin iniciativën e LDK-së

Teksa kanë njoftuar për një gjë të tillë, përfaqësuesit e këtij subjekti kanë thënë për ?Zërin? se zgjedhjet e parakohshme paraqesin zgjidhjen e vetme për daljen e vendit nga kriza.

Megjithatë, përfaqësuesit e lëvizjes VetëVendosje(VV) kanë bërë të ditur se nuk do të bëhen pjesë e LDK-së në të tilla çështje. Sipas tyre, iniciativa për rrëzimin e Qeverisë do të jetë nga LVV-ja e jo nga LDK-ja.

Kjo pasi që, ashtu siç janë shprehur ata, Lidhjes Demokratike nuk i intereson ndërrimi i qeverisjes, porse kryekëput marrja e pushtetit.

Pavarësisht këtyre, përfaqësuesit e PDK-së (partnerit më të madh të koalicionit qeverisës) kanë konsideruar se nuk ka seriozitet dhe vendosmëri të opozitës për t?i dhënë fund qeverisjes aktuale.

Megjithatë, ndonëse ata shprehen të bindur se këtë vit s?do të ketë zgjedhje, 2019-a sipas tyre mund të jetë vit i zgjedhjeve të parakohshme.





Lajmet e fundit nga