web counter
LEXO PA REKLAMA!

SHKARKO APP

App Store
Google Play

E fundit!

x

SHBA 130 mijë $ për policinë Kufitare e Doganat/ Për çfarë shërbejnë pajisjet që iu ‘dorëzoi’ Lu?

5 Prill 2018, 15:07, Aktualitet CNA

Shtetet e Bashkuara të Amerikës i kanë dhuruar Policisë Kufitare dhe Administratës Doganore pajisje për zbulim dhe inspektim, si pjesë e Programit për Kontrollin e Eksporteve dhe Sigurinë Kufitare.

Me anë të një postimi në rrjetet sociale, Ambasada e SHBA-ve shprehet se këto pajisje, vlera e të cilave arrin në rreth 130,000 dollarë, do të përdoren në disa prej pikave kryesore të kalimit kufitar në Shqipëri.

?Një prej prioriteteve kryesore të Qeverisë së Shqipërisë, si dhe të Qeverisë së Shteteve të Bashkuara të Amerikës, është lufta kundër krimit të organizuar. Këtu përfshihet edhe trafikimi i drogave të paligjshme, armëve dhe i qenieve njerëzore si dhe kontrabandimi i mallrave.?

Dje Ambasadori Lu iu bashkua personelit të Programit për Kontrollin e Eksporteve dhe Sigurinë Kufitare (EXBS) për t?i dhuruar Policisë Kufitare dhe Administratës Doganore pajisje për zbulim dhe inspektim. Këto pajisje, vlera e të cilave arrin në rreth 130,000 dollarë, do të përdoren në disa prej pikave kryesore të kalimit kufitar në Shqipëri. Që prej fillimit të veprimtarisë së tij në Shqipëri në vitin 2003, programi EXBS i ka ofruar Policisë Kufitare dhe Administratës Doganore trajnime, pajisje dhe mbështetje me vlerë rreth 5 milionë dollarë në kuadër të përpjekjeve për zhvillimin e kapaciteteve të sigurisë kufitare.?, thuhet në njoftimin e ambasadës amerikane. /CNA.al





Lajmet e fundit nga