web counter
LEXO PA REKLAMA!

SHKARKO APP

App Store
Google Play

E fundit!

x

Deputeti i Bashës refuzon mosbindjen civile

5 Prill 2018, 14:49, Aktualitet CNA

Mosbindja civile e Lulzim Bashës dhe protesta e sotme, përtej numrit të ulët të pjesëmarrësve, ka edhe disa detaje që po dalin një nga një.

Mosbindjes së Lulzim Bashës nuk i bashkohen as deputetët e tij.

Agron Shehaj, i pari i listës në Qarkun e Vlorës një deputet i shumëpërfolur dhe akuzuar njeriu që sipas medieve me shumë gjasa është në listën e atyre që kanë votuar pro Gramoz Ruçit. Deputeti që bashkoi votat me socialistët në Parlament, sot e ka refuzuar mosbindjen civile të Lulzim Bashës. Ai nuk ka qenë në asnjë prej protestave, as në Elbasan, as në Vorë, as në Çermë e as në Milot.

Deputeti miliarder i Lulzim Bashës, sot ka braktisur mosbindjen civile të kërkuar nga kryetari i tij. Me sa duket Basha, mosbindjen e ka për shqiptarët të cilët, pas tij janë shumë të paktë në numër, por dalin dhe reagojnë, ndërsa deputetët e listës së tij, miliarderët që ka nga pas, as nuk shkojnë në protestë e jo më të mos bëjnë mosbindje civile duke mos paguar taksat. Nëse do të shohim profilin e tij në rrjetet sociale, ai nuk ka asnjë reagim për mosbindjen civile, nismë e Lulzim Bashës.

Ky është Lulzim Basha, këta janë deputetët e listës së tij, që sot nuk i beson më askush. Megjithëse do shqiptar është gati të ngrihet të rrëzojë Edi Ramën, pengesë të parë ka Lulzim Bashën dhe deputetët e tij. /CNA.al





Lajmet e fundit nga