web counter
LEXO PA REKLAMA!

SHKARKO APP

App Store
Google Play

E fundit!

x

A dështoi mosbindja civile?

5 Prill 2018, 10:39, Aktualitet CNA

Opozita ka zhvilluar sot një protestë, të cilën e ka cilësuar si mosbindje civile, por në fakt rezultoi të ishte vetëm një aksion opozitar. Katër nyjet kryesore rrugore që lidhin qytetet nga veriu në jug me kryeqytetin për rreth dy orë u mbajtën të bllokuara, por protesta u mbyll para kohe. Ajo zgjati vetëm dy orë, edhe pse ishte paralajmëruar të zgjaste tre orë.

Aksioni i opozitës u frymëzua pas protestës në Kukës kundër tarifës për Rrugën e Kombit, e cila u shoqërua edhe me akte dhune, ndërsa u arrestuar 23 protestues.

Pas këtyre ngjarjeve, u ?zgjua? edhe Lulzim Basha i cili paralajmëroi mosbindje civile dhe aksioni filloi sot me bllokimin e rrugëve.

Në protestë morën pjesë rreth 300 apo 500 mijë persona, kjo nuk ka rëndësi, por ka një konstatim të cilin nuk e mohon dot as Basha dhe as Kryemadhi, pjesëmarrja ishte minimale.

Rrugen mund ta bllokojnë dhe me 100 vetë, por kjo nuk mund të quhet një protestë popullore.

Në rast se dy qarqe si Korça dhe Elbasani me gati 900 mijë banorë së bashku sjellin 200 vetë ky është një mesazh i fortë se kjo nuk është një mosbindje civile, është një aksion opozitar dhe nuk mund të quhet kurrësesi akt popullor.

Aksion popullor ishte ai i Kukësit, ky i sotmi kishte disa deputetë dhe fatkeqësisht shumë pak popull në të katër pikat ku u bllokuan rrugët./ CNA.al





Lajmet e fundit nga