web counter
LEXO PA REKLAMA!

SHKARKO APP

App Store
Google Play

E fundit!

x

Protesta e opozitës/ Ja sa orë do zgjasë bllokimi

5 Prill 2018, 06:54, Aktualitet CNA

Pas ngjarjeve të ditëve të fundit në Kukës, opozita ka dalë hapur në mbështetje të protestave qytetare dhe ka paralajmëruar mosbindje civile.

Ditën e sotme, opozita do të tentojë të mbajë të bllokuara nyjet kryesore të lëvizjes në Shqipëri, për tre orë duke bllokuar trafikun dhe qarkullimin drejt kryeqytetit.

Mësohet se bllokimi i rrugëve do të fillojë prej orës 10:00 deri në oren 13:00.

CNA.al ka mësuar se rrugët që do të bllokohen janë:

Do të bllokohet Bradasheshi, nga ku bllokohet qarkullimi nga Elbasani, Korça, Librazhdi, Devolli, si dhe pikat kufitare të Kapshticës, Qafë Thanës, Qafë Botes dhe Kakavijës.

Do të jetë i bllokuar rrethrrotullimi i Plugut, që bllokon Lushnjen, Fierin, Tepelenën, Beratin, Gjirokastrën, Vloren dhe Sarandën.

Do të bllokohet Miloti, që bllokon Lezhën, Shkodrën, Kukësin, Tropojën, Burrelin dhe Dibrën.

Këto janë në fakt nyjet kryesore të lëvizjes në Shqipëri, të cilat opozita do të tentojë ti mbajë të bllokuara për tre orë duke bllokuar trafikun dhe qarkullimin drejt kryeqytetit. Këtë e quajnë një mosbindje civile, por në fakt nuk është e tillë, bllokimi i rrugëve në fakt është një protestë./ CNA.al





Lajmet e fundit nga